Dita, 6 maj 2018
Shkodranët janë europianë dhe populli shqiptar e meriton Europën.
Ky ishte mesazhi i ambasadores së Bashkimit Evropian, Romana Vlahutin, gjatë një deklarate për mediat nga qyteti i Shkodrës ku ajo mori pjesë në “Festën e luleve”.
Ambasadorja u pyet nëse e meriton politika Europën, por ajo u përgjigj shkurt: Populli shqiptar e meriton Europën.
“Sepse bashkësia europiane nuk është bashkësi politikanësh, por bashkësi midis njerëzve”, tha Vlahutin.
“Ky është fillimi më i bukur i javës së Evropës këtu. Kam ardhur me një pjesë të ambasadorëve të vendeve anëtare, jam e lumtur. Shkodranët janë evropianë prej qindra shekujsh, shqiptarët janë evropianë, ajo që duam të bëjmë është që të sjellim standardet europiane këtu”, tha ndër të tjera ambasadorja.
l.h/ dita
