Televizioni Prizrenit – Nue Oroshi
Në Prizren, është vendosur gurthemeli i shtatores së heroit kombëtar, Gjergj Kastriot- Skënderbeu. Pjesë e aktivitetit të organizuar nga komuna e Prizrenit, ishin qytetarë dhe përfaqësues të institucionëve të ndryshme. Kryetari, Mytaher Haskuka, tha se kjo shtatore e heroit tonë kombëtar do të hedh shtat në një vend i cili do të jetë ndër zonat më të mira të qytetit tonë.
Kryetari i Shoqatës “Trojet e Arbërit”, Nue Oroshi, tha se ky projekt do të financohet nga mjetet që i kanë dhuruar bashkëatdhetarët nga Zvicra dhe Gjermania dhe jemi shumë të lumtur që heroi ynë kombëtar do të vendoset në këtë qytet historik, edhe pse njëkohësisht po fillon jetësimin e tij në ditë të rënda për popullin tonë. Drejtori i Administratës në Prizren, Osman Hajdari, tha se ky projekt është përkrahur nga të gjitha partitë politike lokale, dhe tregoi arsyen pse është zgjedhur pikërisht ky vend për vendosjen e shtatores së heroit tonë kombëtar dhe rreth procedurave që ky vend të emërohet Sheshi “Skënderbej”.
Në emër të shoqatave të dala nga lufta, kryetari i OVL të UÇK-së, Selim Krasniqi, tha se ky projekt i bënë nder Prizrenit, edhe pse është pak i vonuar. Përurimi i shtatores së heroit kombëtar, Gjergj Kastriot – Skënderbu, sipas zyrtarëve të komunës dhe iniciuesve të projektit do të bëhet me datë 2 mars të vitit 2020, ndërsa kostoja e tij kap shumën e 70 mijë eurove.
https://www.facebook.com/watch/?v=742430842898814
