Këshilli Republikan i Sigurisë
Bob Dole, udhëheqësi i GOP që kërkoi tre herë presidencën, vdes në moshën 98-vjeçare. Ai ishte gjithmonë një skifter mbrojtës dhe udhëhoqi programin e modernizimit ushtarak të Reganit drejt kalimit. Synimi i tij për një buxhet të balancuar federal duket i largët sot dhe Dole na lë me një mesazh të rëndësishëm përfundimtar.
Ish-udhëheqësi i shumicës në Senat, Robert J. Dole (R-KS), i cili kapërceu vështirësitë e tasit të pluhurit (dust bowl*) gjatë Depresionit dhe lëndimeve shkatërruese në Luftën e Dytë Botërore për të kandiduar tre herë për presidencën, vdiq të dielën në moshën 98-vjeçare.
Asnjë shkak nuk u përmend menjëherë, por Dole njoftoi më 18 shkurt se ai ishte diagnostikuar me kancer në mushkëri në fazën 4. Kjo ishte një ditë pasi drejtuesi konservator i radios Rush Limbaugh vdiq nga sëmundja.
Dy muaj para ditëlindjes së tij të 22-të, Dole u godit nga predha në fushatën italiane të Aleatëve, i plagosur aq rëndë sa nuk pritej të ecte më. Kaluan 24 ditë para përfundimit të Luftës së Dytë Botërore në Evropë dhe palca kurrizore e tij u dëmtua. Ai nuk ndjente asgjë poshtë qafës dhe nuk mund të ushqehej. Dole ishte në një shtrat spitalor për tre vjet.
Ai mbërriti në Capitol Hill në vitin 1961, disa muaj para ditëlindjes së tij të 38-të, dhe në mënyrë metodike ngjiti shkallët e udhëheqjes së Uashingtonit.
Bob Dole dhe Ibrahim Rugova
Ai mbështeti në mënyrë aktive Aktin e të Drejtave Civile të vitit 1964, dhe më vonë ishte fuqia shtytëse pas krijimit të Memorialit Kombëtar të Luftës së Dytë Botërore.
New York Times thotë se “Ai kishte një talent për t’i numëruar votat dhe për të gjetur konsensusin, që rrallë arrihet sot“.
Ai ishte lideri republikan i Senatit për 12 vjet dhe shërbeu si Kryetar i Komitetit të Financave të fuqishme në fillim të viteve 1980. Dole udhëhoqi një luftë dekadash kundër deficitit buxhetor, por sot nuk është i njohur.
Dole identifikohej gjithmonë me përpjekjet për të miratuar një amendament kushtetues të buxhetit të balancuar dhe ishte kontributi i tij në Kontratën e vitit 1994 me Amerikën.
Dole ishte kandidati i Presidentit Gerald Ford në vitin 1976 dhe shërbeu si Kryetar i Komitetit Kombëtar Republikan.
Dole mori Medaljen e Artë të Kongresit në 2018 dhe tha se një nga keqardhjet e tij më të mëdha ishte dështimi i Amendamentit Kushtetues të Buxhetit të Balancuar. Ai kaloi në Dhomën e Përfaqësuesve, por ra një votë më pak në Senat. Ajo kishte mbështetjen e 29 nga 34 shtetet e nevojshme.
Lidhur me borxhin kombëtar të sotëm, prej 29 trilionë dollarësh dhe deficitin vjetor prej 3 trilionë dollarësh, Dole tha: “Po gëlltit të ardhmen tonë ekonomike dhe ne duhet ta vrasim këtë përbindësh ose ai me siguri do të na vrasë ne“. Amerikanët duhet ta kishin dëgjuar atë dhe 7 trilion dollarë shpenzime të reja nuk janë zgjidhja.
- Dust Bowl ishte një periudhë stuhish të forta pluhuri, që dëmtuan shumë ekologjinë dhe bujqësinë e fermave amerikane dhe kanadeze gjatë viteve 1930; thatësira e madhe dhe moszbatimi i metodave të bujqësisë së thatë për të parandaluar proceset eoliane e shkaktuan fenomenin.
