MË: 1 MARS 2018 NË BotaSot.info
Ambasadorja e Kosovës në SHBA, Vlora Çitaku kishte një takim të rastësishëm me Presidentin e Amerikës, Donald Trump me të cilin foli për Kosovën.
Në një intervistë në emisionin ‘Jeta në Kosovë’ Çitaku rrëfeu për bisedën e shkurtër që kishte pasur me Trump.
“Në takimin e parë me të i cili nuk ka qenë takim, ja kam zënë pritën. I kam thënë mirëmbrëma z. President, unë jam ambasadorja e vendit më pro-amerikan në botë. Edhe ai më tha : Cili kishte me qenë ai vend? I thash Kosova”, tha Çitaku.
Ajo po ashtu tregoi se i kishte rrëfyer Presidentit Amerikan për reagimin e qytetareve te Kosovës ndaj sulmeve terroristë në SHBA.
“A jeni myslimanë ju… a jeni shumica myslimane. I thashë që po, ne jemi shumica myslimane, por ne kemi edhe të krishterë, kemi edhe ortodoksë dhe mbi të gjitha ne e çmojmë aleancën me popullin amerikan dhe i tregova se si kemi reaguar ne pas sulmeve të 11 shtatorit. Ja thashë rrëfimin që kam parë një det me njerëz, djem të rinj, që donin të shkonin për të luftuar, për ta mbrojtur amerikën”, tregoi Çitaku.
