Si shihet atdheu nga larg
Shembulli i politikës amerikane:
Shteti mbi të gjitha!
Shtypi dhe TV amerikane po informojnë për vdekjen e liderit republikan dhe heroit të Amerikës, John McCain dhe lajmet kanë zënë faqet e para të shtypit.
John McCain, senator nga Arizona i zgjedhur gjashtë herë në Senatin amerikan në Shtëpinë e Bardhë (Washington) ishte një nga miqtë e shumtë në Senat dhe Kongres për popullin shqiptar dhe për lirinë dhe pavarësinë e Republikës së Kosovës.
Në përcjelljen e tij në udhën e amshimit, kishin ardhur shumë personalitete politike,diplomatike,akademike,universitare,
sportive dhe të botës së informimit dhe miq të tij e familjarë të shumtë nga të gjitha anët e Amerikës.
Në lamtumirën e fundit kishte ardhur ish nënpresidenti i Amerikës z.Joe Biden (Partia Demokratike), që ishin miq të mirë në këto vite të jetës politike dhe institucionale në Kongres dhe Senatin Amerikan në Washington.Ndonëse John McCain ishte i (Partisë Republikane) asgjë nuk i pengoi që të nderohet heroi i Amerikës ashtu si e ka traditë të mirë edhe nga Partia Demokratike.
Joe Biden mbajti një fjalim para arkivolit të heroit të Amerikës John McCain dhe duke ia kujtuar udhët e jetës, sakrificën e madhe për demokracinë dhe lirinë si vlera universale për popullin amerikanë dhe botën, z.Biden përmes lotëve ia dha lamtumirën e fundit John McCain që me fjalët e njeriut të dashur e quajti edhe vëlla edhe hero të Amerikës.
Fotografia e ceremonisë mortore që u mbajt në Washington në Shtëpinë e Batdhë dhe lotët e ndarjes së nënpresidentit Joe Biden mbuluan faqet e shtypit në Amerikë dhe është një shembull i mirë për politikbërjen në Kosovë dhe Shqipëri se mbi të gjitha është shteti e jo partitë politike!
Çikago, 5 shtator 2018
Skënder Karaçica
Executive Director
Albanian-American Association
of Intellectuals Businessmen and Activists
Phone: +1 (708) 983-5394 | Email: [email protected]
