Shkruan Asllan Dibrani
Lobi Euro-atlantik Shqiptar nuk ka shumë kohë qe vuri gurthemelin e vet në Lorach të Gjermanisë, por dita ditës është duke marr hov dhe frymë me ambicie të reja drejt zgjuarëjes së shqiptarëve, për ta bërë një unitet të bashkimit në mbarëvajtjen e gjithëmbarshme kombëtare.
Pas një serë aktivitetesh dhe lobimesh të LEASH-it nëpër Evropë, edhe shqiptarët e Austrisë e themeluan “Lobin Euro-Atlantik Shqiptar” në qytetin e Vjenës, i cili u mbajt me datën 24.04.2016 në ora 11:00, Adresa: Nordbahnanlage 9, 1210 Vjenë në objektin e “Shoqatës kulturore dhe humanitare Kërçova”.
E më së miri e dëshmuan shqiptarët e Austrisë të bashkuar rreth Lobit Euro-Atlantik Shqiptar. Pjesëmarrja e komunitetit shqiptarë dhe përfaqësuesit e tyre si intelektual, krijues, artdashës të kulturës dhe artit shqiptar, biznesmenë, veprimtar, shoqata, klube dhe organizma të vlerave kombëtare, me këtë datë promovuan themelimin e Lobit Euro-atlantik Shqiptar në Austri. Pjesëmarrës pati nga Gjermania, Italia, Norvegjia, Zvicra, Sllovenia, Kroacia, Presheva, Medvegja, Mali i Zi dhe Maqedonia etj.
Fjalën e rastit e mbajti znj. Ganimete Bajraktari, e cila i përshëndeti të pranishmit me mirëseardhje dhe shpalosi synimet dhe rolin e Lobit Euro-atlantik Shqiptar për Austri. Pastaj ajo u bëri thirrje të gjithë shqiptarëve me vendbanim dhe punë të përkohshme, apo të përhershme në shtetin e Austrisë të bashkohen rreth betejës drejt aspiratave tona shekullore për interesin e familjeve dhe fëmijëve tanë, për ta ruajtur identitetin tonë nga furtunat e pamëshirshme të asimilimit dhe faktorëve tjerë!
Në skenë doli z. Skenderbeg Klaiqi pjesëmarrës dhe iniciues i themelimit të Lobit Euro-Atlantik Shqiptar dhe kryetar aktual, i cili shpalosi programin e Lobit qe ka si synim të realizimit në praktikë. Ai theksoj se po t’i kushtojmë atdheut vetëm 5 minuta në ditë besoj se do të këtë ndryshim pozitiv për pozitën e shqiptareve sot qe jemi të shpërndarë e të katandisur. Po ashtu bëri thirrje të organizimit dhe themelimit të Lobit edhe në tjera pika të Botës. Foli edhe për mënyrën dhe monitorimin financiar të Lobit te gjithëmbarshëm.
- Pjesëmarrësi Avni Dervishi, aktivist dhe deputet i Parlamentit suedez dhe veprimtar shumë vjeçar nga Suedia, foli për mbarëvajtjen e Lobit Euro-Atlantik shqiptar, i cili paraqiti opinionin e vet mbi vlerat që do t’i ketë në rrafshin kombëtar. Foli edhe për pozitën e shqiptarëve në rajon, e cila si pasojë e saj mbetem të shkapërderdhur ne disa shtete. Ky është edhe iniciator i këshillit dhe grupit të punës për themelimin e Lobit Euro-Atlantik edhe në Suedi shumë shpejt. Asllan Dibrani po ashtu pjesëmarrës i takimit nga Gjermania theksoi se pjesëmarrja e jonë edhe në fushën politike nuk përjashtohet, pasi Shqipëria si shtet i pavarur mbi njëqind vjet nuk po e kryen detyrën e vet dhe akoma është shumë indiferente ndaj mërgatës dh interesave kombëtare dhe duke pasur parasysh Kosovën duar-lidhur akoma nga faktorët ndërkombëtarë, por edhe dobësitë e shfaqura në lidershipin kosovar.
Ai propozoj të bëhemi zot të vetes sonë për disa milionë shqiptarë jashtë atdheut, ma thjeshtë për dy herë ma shumë se sa që kanë mbetur në atdhe. Ma tutje shtoi se ne nuk kemi rruge tjetër pos organizimit ne kuadër te Lobit Euro-Atlantik Shqiptar! Edhe zoti Xhafer Ahmeti, i ardhur nga Norvegjia nderoi pjesëmarrësit, dhe tha se e përkrahim fuqishëm këtë iniciativë tuajën. Ai tha se ma, ne në Norvegji, Lobin Euro-Atlantik Shqiptar e themeluam kohë më parë, i cili ka bërë hapat e parë të organizimit, me çka theksoi se shqiptarët janë në fazën e zgjuarjes. Hidajete Fejza pjesëmarrëse nga Austria dhe anëtare e këshillit iniciues foli për organizimin e Lobit për Austri dhe rolin e studentëve shqiptarë në Austri, po ashtu u zotua se do t’i bashkojnë forcat e të gjitha shoqatave dhe klubeve në Austri rreth Lobit, që në të ardhmen të jetë një zë i vetëm për shqiptarët e bashkuar.
Po ashtu Endrit Gjelili, kryetar i Shoqatës së studentëve shqiptarë në Austri foli për pjesëmarrjen e tyre aktive në interesin e kulturës sonë, mbajtjen e takimeve dhe aktivitetin e tyre në Lobin Euro-Atlantik Shqiptar në Vjenë. Mentor Gashi aktivist shumë vjeçar dhe veprimtar nga Austria, tha se ky organizim në kornizat kombëtare na ka munguar kaherë. E kemi pritur me shekuj. Ne gjenerata e vjetër kemi punuar, por jo sa duhet, andaj Lobi i takon gjeneratës së re, studentëve dhe veprimtarëve të rinj. Nga sot shqiptarët e Austrisë dhe të globit jashtë atdheut janë vetë-vetja. Edhe ky bëri thirrje rreth bashkimit dhe në vend të fjalëve, të bëjmë punë.
Shukri Ymeri pjesëmarrës i takimit nga qyteti i Lorachit në Gjermani, nga vendi ku u themeluar Lobi Euro-Atlantik, foli për organizimin, por me theks të veçantë për mbarëvajtjen e Lobit dhe të shqiptarëve në fushën ekonomike dhe sociale. Ai theksoj dhe tha që të krijomë mekanizma financiare të bashkuar. Ftoi që biznesmenët të jenë ata që i paraprijnë Lobit me financë në ato pika ku ka zbraztësira, me qëllim që Lobi ta ketë ekonominë e vet në duart e veta në të ardhmen edhe bilancin teknologjik me shtete tjera.
Nga Gjermania po ashtu foli edhe Feride Acar veprimtare dhe humanitare nga Freiburgu përkrahi themelimin e Lobit në Austri. Ajo e përgëzoj edhe Avni Dervishin për iniciativën e themelimit të Lobit në Suedi dhe komplimentoj vlerat e kësaj familje. Fatmir Osmani një veprimtar shumë vjeçar në Austri foli, po ashtu për lobin Euro-atlantik me një synim që të jemi të gjithë pjesëmarrës pa anashkalim dhe unikë, të organizuar në një platformë unike epo edhe me ligjet e shteteve ku jemi dhe jetojmë. Ai pati një vërejtje se përkundër pjesëmarrjes se sotme tha se akoma ka shumë asociacion të pa përfshira në këtë takim, andaj në të ardhmen duhet të jetë prezent edhe zëri i tyre.
Muharrem Salihi biznesmen dhe veprimtar shqiptare nga Italia përshëndeti të pranishmit dhe falënderoj organizatorët për themelimin e Lobit Euro-Atlantik shqiptar. Ai foli për rolin e shqiptarëve të Italisë dhe tejkalimin e të metave historike dhe hapat konkretë duhet t’i marrë Lobin në shkallë kombëtare. Ai theksoi se vinte nga Banja e Sjarines në Medvegjë dhe shprehu edhe pakënaqësinë ndaj shteteve të Shqipërisë dhe Kosovës për pa kujdesinë, që kanë treguar ndaj asaj treve. Ai ka bërë një hap konkret në investime për atë rajon me qëllim të shpëtimit të shpërnguljes se mëtutjeshme. Në foltore u paraqit edhe studentja Laura Sefaj nga Sllovenia, e cila i përshëndeti të pranishmit dhe ju uroi suksese të mëtutjeshme, duke u solidarizuar me themelimin e Lobit Euro-Atlantik për Austri. Edhe Laura shprehu gatishmërinë për themelimin e Lobit edhe në Slloveni sa ma shpejt.
Si folës i radhës ishte edhe gazetari i RTK-së Nuhi Bytyqi, i cili u prononcua fuqishëm në përkrahjen e Lobit, por kërkoj te ecet në hapa të sigurt dhe preku edhe mënyrën financimit dhe organizimit në hapa të sigurt. Ne diskutim ishte edhe Naser Sherifi nga Austria, që përkrahu iniciativën e thellimit, duke elaboruar mënyrën e të vepruarit në suaza kombëtare. Ai ishte një lobues i fuqishëm, që nga dita e hapjes në opinion për themelimin e LEASH-it në Austri.
Pos këtyre diskutuesve pati edhe të tjerë nga e cila kohë u shkëputen 30 minuta pauzë, sa për t’i shijuar ushqimet tradicionale shqiptare. Pas pauzës nga të pranishmit u zgjodh këshilli iniciues i punës deri në kuvend nga këta anëtarë: Ganimete Bajraktari, Hidajete Fejza, Mentor Gashi, Naser Sherifi, Bardhi Krasniqi dhe Mehmet Manovi, të cilët mbetën të zgjedhin edhe kryesinë dhe koordinimin e veprimtarisë se Lobit Euro-Atlantik për Austri deri në Kuvend.
Shkruan Asllan Dibrani, anëtar i këshillit për media nga Lobit Euro-atlantik Shqiptar në Botë, me qendër në Gjermani
