SHOQERIA CIVILE E VETMIA SHPRESE E JONA

Kujtim Drishti

NE Shqiptaret morem te drejten e MENDIMIT TE LIRE dhe kujtuam se po ndertojme Demokracine.
E kuptuam se gabuam. Kjo ishte vetem themeli i nderteses.

Ne ndertuam PARTITË dhe kujtuam se ndertuam Demokracine.
E kuptuam se u gabuam sepse kishim perfunduar aty ku ishim : fatet e kombit u varen ne doren e vetem nje njeriu. Dhe ky njeri ndertoi Drejtesine e tij.

Atehere ne kuptuam se mendimi i lire ne themelet e nderteses demokratike nuk ishte i mjaftueshem pa Kushtetute dhe pa Boshtin e saj : Drejtesine qe do te krijonte Shtetin e se Drejtes.

Por ajo qe ne NUK NDERTUAM ISHTE
SHOQERIA CIVILE, e vetmia forcë opozitare , me e madhe, perballe çdo partie dhe çdo pushteti, qe do te qendronte ne mbrojtje te Kushtetutes e te Drejtat e Njeriut, ndoshta me mire se vete Gjykata Kushtetuese.

Shoqeria Civile eshte ndergjegjia demokratike e nje populli, e strukturuar ne organizime shoqatash, profesionale ose jo profesionale reth parimeve te Kushtetutes dhe Deklarates se te Drejtave te Njeriut.

Shoqeria Civile i qendron mbi koke e mbi ndergjegje te gjitha partive.
Keshtu partite, e akoma me pak shefat e partive, nuk mund ta konsiderojne veten mbi popullin ashtu siç ndodhi ne keto 30 vjet te humbura.

Çeshtja shtrohet : ose nje Shoqeri Civile me ndergjegje domokratike ose Diktature e nje partie , per ironi te zgjedhur nga populli, qe dashuron Shefin e jo idete e Kushtetutes Demokratike.

Shoqeria civile eshte e vetmia shprese e jona kundra psikollogjise se klanit qe na solli ne dite ku rinia e pa shpresë kerkon te lërë vendin.

Mesimi kryesor qe del nga keto 30 vjetë eshte :
– Nuk mund te kete shoqeri te drejte e demokratike vetem me parti e pa shoqeri civile.
– Shoqeria vetem me parti harroi Shqiperine dhe popullin e saj.
– Shoqeria civile e ndertuar reth Kushtetutes dhe te Drejtave te Njeriut eshte opozita e pare e çdo partie e çdo pushteti. Eshte kjo opozite qe çdo parti duhet te fusi ne ndergjegjen e saj per te kontrolluar veten.

Bej thirrje te gjithe profesioneve te çfare fushe qofshin, te organizohen per te mbrojtur te drejtat e tyre dhe te popullit
duke perdorur Kushtetuten dhe te Drejtat e njeriut si udheheqesin e tyre.

U bej thirrje te dalin nga llogjikat e partive e te shpetojne Kushtetuten.

Bej thirrje ne radhe te pare Avokateve te Shqiperise dhe njerezve qe per vokacion profesional kane Drejtesine.

Avokatet dhe njerzit e rinje te ketij profesioni do te jene ne gjendje te konfrontojne praktiken e Shtetit me parimet e Kushtetutes., per rjedhoje dhe shkeljet e saj ose tradhetine e saj.

I bej thirrje te gjithe pedagogeve te Universiteit Publik e atyre te Universiteteve private ,
U bej thirrje te gjithe mjekeve te Shqiperise qe nepermjet Urdherit te tyre
te mobilizohen rethe Kushtetutes

U bej thirrje te gjithe shkrimtareve dhe artisteve te dalin nga guaskat e tyre per interesat e popullit e te lidhen me Kushtetuten per ta shpetuar ate.

I bej thirrje padroneve te te gjithe Shtepiave Botuese te Shpetojne Kushtetuten.
Kushtetuta nuk eshte nje Copyright e Shtetit ajo eshte nje copyright e popullit.

I bej thirrje te gjithe popullit te dale ne rruge i qete me qirinj te ndezur pa violence , ne heshtjen e fuqishme te tij
Per te shpetuar Kushtetuten Dhe te Drejtat e njeriut.

Deri tani populli ka heshtur i shperndarë.
Le ta grumbullojme e perqendrojme heshtjen
në rrugë e Bulevarde , diten e naten me qirinj.

Heshtja e grumbulluar dhe e perqendruar eshte forca me madhe se violenca .
Heshtja e grumbulluar dhe perqendruar do te tregoje pjekurine e nje populli qe ka kuptuar se armiqesite e udhehequra nga partite kane harruar interesat e Shqiperise.

Vetem nje parrulle Mbrojtja e kushtetutes se tradhetuar dhe mbrojtja e Shtetit te se Drejtes se braktisur.

Nje manifestim i drejtuar nga shoqeria civile do te plotesoje kuptimin e Demokracise dhe Paqes dhe jo violenca.

Partite tani per tani mbajne vetem urrejtjen e dy Klaneve , urrejtje qe ato duan te injektojne ne popull siç e kane tashme injektuar ne skenat qesharake te parlamentit.

Urrejtja nuk eshte ndertuese.Ajo eshte vetem shkatarruese.

Vetem duke mbrojtur Kushtetuten populli do te mbroje veten. Partite nuk e mbrojten popullin.

Parti te reja me njerez te rinj, me reflekse demokratike, me dashurine per Shqiperine , e me bosht Kushtetuten do te jene perspektiva me e sigurte.

Guri i proves per çdo parti, per çdo organizim duhet te jete Kushtetuta e Republikes dhe Shteti i se DREJTES

Le ta fillojme nga e para.
Te mos fillojme pa ndertuar Shtetin e se Drejtes.
Shtet ligjor kishte dhe Zogu dhe E.Hoxha
Por jo Shtet te se Drejtes.

Per 30 vjet Drejtesia eshte varur nga shefat e klaneve qe moren peng antaret e partive.

Mbrojtja e Kushtetutes eshte mbrojtja e Shtetit te se Drejtes. E Drejta eshte kuintesenca e Shteit Demokratik.

Manifestimet ne heshtje , ne paqe, qe kane per parrulla vetem Mbrojtjen e Kushtetutes dhe te Mbrojtjes se Shtetit te se Drejtes,
manifestime te organizuara nga shoqeria civile e jo nga partite do kene nje force me te madhe bindese per vete popullin e bashkuar reth kushtetutes duke treguar se neni i pare i saj eshte ” Populli Sovran”

Populli nuk mund te jete sovran nese ai nuk ka organizuar shoqerine civile qe do te jete opozita e pare per çdo pushtet.

Kjo nuk eshte nje thirrje e imja, personale. Kjo eshte nje thirrje qe ben zemra e popullit e ndergjegjesuar se 30 vjet ishin boll per te kuptuar se udheheqesi yne i vertete do te jete dashuria per Shqiperine jo urrejtja midis nesh, urrejtja qe harroi principet e larta te Demokracise te kristalizuara ne Kushtetute dhe Deklaraten e te Drejta te njeriut.

Ka ardhur koha qe populli te tejkaloje veten e te sfidoje forcat e erreta qe e kane futur ne kaos dhe padrejtesi.

Uroj me zemer te rroje Kushtetuta Demokratike ne zemren e popullit e jo individet ne krye te klaneve.

Nuk mund te kete shoqeri te lire pa nje shoqeri civile. Shoqeria vetem me parti harroi Shqiperine.

Vetem Shoqeria Civile mund t’i a kujtoje kete.
Vetem Shoqeria Civile mund te mbaje mbi shpatulla Historine e vjeter te popullit, me korigjimet me te bukura.

Fati ka dale ne derë e po na pret.
Perndryshe do te jete perseri diktatura.