26 vjeçarja shqiptare Serena Leka
NewsBomb.al – AKTUALITET, 06-12-2019
26 vjeçarja shqiptare Serena Leka ka shkëlqyer në Samitin Botëror të Inovacionit në Kinë, ku ka marrë çmimin e parë në një event të organizuar në fushën e sipërmarrjes dhe startup-eve.
Vajza nga Fushë-Arrëzi arriti shpejt të rrëmbejë vëmendjen e të gjithëve në Samitin Botëror të Inovacionit në Kinë, teksa emri i saj dhe i kompanisë “Cellugy” që ajo përfaqëson zuri vendin e parë.
26 vjeçarja ka udhëtuar në më shumë se 15 vende të botës, ndërsa ka qenë dhe drejtoreshë ekzekutive e rrjetit të studentëve ekselentë në Tiranë, është e vetmja studente shqiptare që ka fituar një bursë prej 50.000 euro nga Mbretëria daneze, si dhe ka qenë pjesë e grupit bërthamë të studentëve ekselentë nga mbarë bota.
Serena ka kryer studimet master në Danimarkë në Universitetin e Aarhusit, aty ku më pas dhe do të punësohej. Temën e diplomës do ta përgatiste në bashkëpunim me një nga firmat më të fuqishme për industrinë inxhinierike, me më shumë se 25.000 punonjës në mbi 100 shtete në bote, “Danfoss A/S“.
Tashmë ajo është menaxhere projektesh në Departamentin e Inxhinierisë dhe Inovacionit në Universitetin e Aarhusit, aty ku dhe kreu studimet.
Shikoni Serenën, duke prezantuar produkte nga kompania ku punon:
https://www.facebook.com/watch/?v=510600232869887
