NjëKomb.com – 13 janar 2018
Senati i Shteteve të Bashkuara ka miratuar një document për ndërhyrjen në Ballkan. Dokumenti, i cili pritet të kthehet në një ligj me një kërkesë specifike për Presidentin Donald Trump, thekson se “qeveria ruse ka ndërhyrje prej vitesh për të shkatërruar demokracinë dhe sundimin e ligjit në Europë dhe SHBA. Ndërhyrja e Kremlint në demokraci të parazhvilluara dhe në qeveri tranzitore ka qenë e përhershme gjithë këto vite dhe përfshin Serbinë, Malin e Zi, Gjeorgjinë, Bullgarinë dhe Hungarinë” theksohet ne raport. Senatori demokrat, Benjamin Cardin është relatori i raportit, i cili thekson se ndërhyrja ruse për disa vende të Ballkanit është pjesë e ndërvarësisë energjike.
Senati i ShBA-ve ka arritur përfundimin se Sërbia është shembulli i qartë sesi përdoret furnizimi energjetik me naftë dhe gaz për të ruajtur influencën politike. “Serbia është e varur nga Rusia për gaz natyror dhe kompania shtetërore e gazit, Srbijagas, ka akumuluar një borxh 1 miliard dollarësh; gjë që ka sjellë një presion politik nga ana e Rusisë.
Dushan Bajatoviç, drejtori i Srbijagas është gjithashtu nënkryetar i Prtisë Socialiste Serbe, një forcë pro-ruse, që në të kaluarën drejtohej nga Sllobodan Milosheviç dhe tani i shef fuqiplotë është numri dy i qeverisë serbe Ivica Daçic. Rusia po e përdor Bajatoviçin si një garantues për të siguruar ndërtimin e gazsjellësit South Stream në territorin serb.
Por ky project është ndryshuar dhe Beogradi ka humbur dhe 30 milion usd të tjera, duke rritur borxhin ndaj Moskës. Varësia tashmë nuk është ndaj gazit rus, por është kthyer në varësi politike dhe një kushtëzim në të gjitha drejtimet. Në Serbi, Moska financion të gjithë ato grupime të shoqërisë që kanë simpati ndaj Rusisë dhe mbështet fort fuqizimin e kulturës slave dhe atë ortodokse. Praktikisht Moska ka krijuar një ideologji të re në vendin që u trondit nga nacionalizmi i verbuar.
Me anë të Sputnik, Rusia po përhap një propagandë që të krijojë terrenin ë një ndërhyrje në Ballkan. Në faqet e Sputnik është shkruar se kosovarët po përgatisin trazira dhe në këtë mënyrë krijohen kushte për një konflikt të madh. Sputnik arrin të shpërndahet në 20 stacione radiosh lokale në vend dhe portale të ndryshme falas, duke ofruar material që janë propagandë e pastër dhe jo informacion.
