Për shkak të gjuhës së urrejtjes që e përhapnin, Facebook mbyll faqet e ekstremistëve islamikë shqipfolës

Nga Revista Drini – 29 Dhjetor 2018

Sipas informatave që jipen në “Koha Islame” etj., kohët e fundit shumë faqe të mëdha në Facebook etj., që zhvillojnë propagandë panislamike, janë mbyllur/bllokuar siç thuhet “si shkak i raportimeve dhe sulmeve të vazhdueshëm nga njerëz Islamfob dhe me agjenda për të futur urrejtje ndaj myslimanëve shqiptarë.

Përveç faqes sonë me 230,000 pëlqime, është fshirë faqja “Audionur” me 70,000 pëlqime, po ashtu është fshirë edhe faqja “Kurani –mrekullia e Kuranit” me 670,000 pëlqime, pastaj faqja Gurbetqar/e Musliman/muslimane me 60,000 pëlqime dhe disa faqe të tjera.

Një nga arsyet e fshirjes ka qenë për shkak të shkrimeve që kanë pasur në titull fjalën “LGBT”, “Homoseksual” apo “Peder”, e dikush është kujdesur që këto shkrime edhe pse shkencore ti raportojë si urrejtje.”, thuhet në këtë informatë.

Më tej thuhet që “Në disa faqe Islamofobe, ata kanë postuar me krenari që më në fund arritëm ti mbyllim këto faqe që të shporrim njëherë e mire këtë mbetje Osmane e të ngjashme.

Me të vërtetë kjo çështje duhet të bëhet e madhe, ngase organizimi i anti-Islamistëve dhe Islamofobëve është i fuqishëm sa që luftën kibernetike e kanë nisur në këtë epokë digjitale. Një luftë e madhe është duke u bërë online, ku për çdo ditë ka me dhjetëra lajme të rrejshme, sulme të organizuara në ueb faqe me robotët, me profila të rrejshëm duke nxitur urrejtje dhe ofendimi të mëdha në rrjetet sociale.”

Në vazhdim të informatës së “Koha Islame” thuhet : “Ne jemi një palë e dëmtuar në këtë rast si dhe shumë vëllezër e motra muslimane që mundohen të promovojnë vlera të pastra Islame dhe mirësi të ndryshme. Kërkojmë nga ata që kanë kësi lloj rast të raportojnë atë dhe pastaj edhe organet përgjegjëse të fillojnë hetimin për të gjetur se kush qëndron prapa këtyre profileve dhe agjendave.

Me vite në këto treva nëpër media të ndryshme fryhet gjuha e urrejtjes e kjo sigurisht që do të ketë një impakt të jashtëzakonshëm në shoqërinë tonë, duke shkaktuar shumë furtuna dhe çrregullime.

Pse u mbyllën faqet më të mëdha Islame në Facebook?
December 17, 2018

Besojmë fuqishëm se këto kampanja të tilla destabilizuese do të vazhdojnë edhe në të ardhmen, ku plotë faqe të tjera janë në syrin e këtyre njerëzve të prishur që qëndrojnë prapa agjendave dashakeqe për popullin shqiptar., thuhet në fund të informatës së KohaIslame.com.

E vërteta rreth kësah që thuhet në informatën e “Koha Islame” është pak më ndryshe. Në të vërtetë Facebook nuk i fali ekstremistët islamikë, siç kaluan lehtë, apo “nuk u panë” nga gjykatat shqiptare, përkundër gjuhës së rëndë të urrejtjes, që e përdornin dhe vazhdojnë ta përdorin, duke tentuar ta errësojnë dhe asimilojnë kulturën dhe historinë kombëtare shqiptare.

Sipas disa të dhënave Facebook-u i ka goditur portalet islamike si “Kurani-mrekullit e Kuranit”, që menaxhohej nga Dr. Shefqet Krasniqi, tashmë i amnestuar nga gjykatat e Kosoves, i cili me një rrjet hoxhallaresh e mbanin këtë portal. Rrjeti i dyte i goditur eshte ai i hoxhallarve ekstremistë të Maqedonisë, udhehequr nga Nexhmedin Kaliasi. Të cilët mbanin portalin ekstremist “Koha Islame” dhe “Audionurin”. Rrjeti i tretë i goditur ëhtë ai i anti-kombetarit Olsi Jazexhiut me portalin famekeq Gazeta Impakt.

Siç e dimë tashmë Olsi Jazexhi ka frymëzuar vazhdimisht veprimtari antikombëtare, duke i sharë e fyrë figurat më të dalluara historike dhe aktuale të kombit shqiptar, duke filluar nga Gjergj Kastrioti, Pjetër Bogdani, Nëna Tereze, Ibrahim Rugova dhe këdo tjetër që i ka dalë në mbrojtje historisë, kulturës, traditës, dokeve e zakoneve kombëtare.

Ai ka shkuar aq larg sa i ka provokuar Shqiptarët në Gazimestan me simbolin e “tre gitshtrinjve” të çetnikëve serb dhe është munduar të nxisë një krenari islame si kryeidentitet dhe ta poshtërojë e nënvlerësojë nacionalizmin modern shqiptar, si pengesë në rrugën për asimilimin e kombit shqiptar në islamizëm. Në bazë të shënimeve të marra nga qarqet islamike portalet e mbyllura kishin numër të madh ndjekësish.”

Kurani-Mrekullit e Kuranit “kishte 667.000, “Koha Islame” 237.000 ndjekes “Allahu Akber-shqip 232.000 ndjekës , “Zoti është 1 jo (3) 220.000 ndjekës, “Islami dhe Shkenca” 181.000 ndjekës. “Gurbetqari/e Muslimani” /e 60.000 ndjekës. “Audionur” 70.000 ndjekës. “Gazeta Impakt” 22.000 ndjekës dhe shume portale tjera me të vogla, për shpërlarjen e trurit ndër shqiptarë.

Për shqiptarët është me rëndësi që islami si fe të shkëputet nga cdo lloj angjenturash antishqiptare, qofshin ato islamike, serbe, turke apo nën ndikimin e qarqeve të tjera antishqiptare, pasi në bazë të shkrimeve dhe paraqitjeve të ndryshme në këto portale përmes shkrimeve, videove etj, mesazhet që ofroheshin publikut ishin të thuash gjithnjë antishqiptare dhe me synim të krijimit të një “mileti-umeti” të ashtuquajtur “muslimanët shqiptarë”, duke prekur kështu në unitetin kombëtar Shqiptar, siç parashohin qarqet serbomëdha e turkomëdha për zhbërjen e kombit shqiptar.

Në favor të këtij pohimi shkojnë edhe dëshmitë tashmë publike që në krye të portaleve të tilla janë zbuluar serb që paraqiten si myslimanë të zjarrtë, të cilët qëllim kryesor kanë radikalizmin dhe ekstremizmin islamik dhe mohimin e plotë të kulturës shqiptare.

Me këto ndalesa facebooku ka treguar se në kohën e globalizmit dhe multikulturalizmit, nuk lejohet gjuha e urrejtjes cfarë e propagandonin dhe propagandojnë islamikët shqipfolës ndaj ish-popullit shqiptar dhe të gjithë jomuslimanëve. Në këtë vazhdë edhe Shqipëria dhe Kosova duhet t’i dalin zot Shqiptarizmit e Shqiptarësisë së vendit, i cili është i sulmuar parreshtur nga panislamizmi dhe shqipfolësit e frymës së përmendur më lartë, që për fat të keq janë në shtim e sipër.

Duhet tu bëhet të ditur të gjithëve se secili ka të drejtën absolute të besoj apo të mos besoj fare, por nuk e ka asnjë të drejtë ta bëjë qoftë edhe sulmin më të vogël ndaj kulturës kombëtare shqiptare, siç bënë Olsi Jazexhi e të tjerë jo të pakët të kësaj fryme e këtij qëllimi antishqiptar, propagandës së të cilëve për fat të keq i dha frymë e krah edhe media shqiptare në përgjithësi në Shqipëri e Kosovë.

Besimi Islam, Ortodoksia, Katolicizmi, Bektashizmi apo afetarizmi, janë ekskluzivisht çështje e kombit Shqiptar, e Shqipërisë dhe Kosovës, e nuk mund të jenë, siç ishin deri tash, “çështje” e Turqisë, Greqisë, Serbisë, botës arabe-islamike apo të Olsi Jazexhiut apo të “jazexhinjve” të ndryshëm. Secili beson për vete, por JO ekstremizmave fetarë!