Kosovë, shumë histori betejash kanë rënë mbi ty
dhe sa ëndërra njerëzish janë djegur për këtë tokë
për këtë qiell dhe për këtë ujë dhe për këtë diell
hej, me flamur Kuq e Zi i bëmë tëra betejat e luftës
Në vendlindjen tonë prej 54 shkronjash pellazge
rilindëm me 36 shkronja të Alfabetit të Manastirit
Kosova ime e dashur, dashuria ime e përjetëshme
kam kaluar nëpër dy vendlindje luftërash për ty
dhe nëpër dy vendlindje fitoresh të pakënaqura
por, për ta pajtuar shpirtin tim, unë ty të këndoj!
Nga zotat tek monarkët e sotëm ka varre epokash
Historia është krijim i shenjtë, krijim i lexueshëm
Kosova ime e dashur, unë vetëm ty mund ta fali
dashurinë, më të ëmblin mjalt të jetës së njeriut
Atdhe, tek ti ende ka vlerë vuajtja dhe dashuria
Kosovë dardane, shpirt, vdiqa duke të dashuruar
Lufta 1996-2000 mbetet vendlindja e shtetit tonë.
Atdhe Geci – Dortmund, 2020
