Politiko.al, 9 shkurt 2019
Akademiku Artan Fuga është tejet kritik ndaj fjalorit të politikanëve shqiptarë.
Fuga shprehet se fjalor nuk na përfaqëson ne si duhet ndërkombëtarisht dhe lënë për të dëshiruar për imazhin e Shqipërisë jashtë kufijve.
“Çfarë karagjozlliku, çfarë komedie, çfarë fyerje për shqiptarët! Imagjinoni që e dinë që i shohin fëmijët e tyre, djemtë dhe vajzat e tyre, mendoni se në çfarë mjedisi edukativ jetojnë përderisa nuk pyesin as për këtë fakt!”, shprehet ndër të tjerra Fuga në një reagim në Facebook.
Reagimi i plotë:
Llaxore dhe baxhella
Ik m’i baxhelle !
Shko mos qelbësirë!
Kujt i thua baxhellë, ti je llazore!
Jo po si ty, o qelbësirë!
Hajdute e poshtër, ja se cfarë je!
Ik se të njoh mirë kush je, edhe njëherë po të them je qelbësirë!
Kurvë ! Mos guxo të më thuash mua qelbësirë!
Pise! E korruptuar!
Këto dhe ata që janë me këta shprehin vullnetin e popullit!
Cfarë degjenerimi moral, mendor dhe njerëzor!!!
Këto janë gratë të zgjedhurat tona!?
Imagjinoni burrat!
Këto na tregojnë si duhet të funksionojë universiteti!?
Këto bëjnë ligjet për shkollat! ?
Këto janë gra të elitave tona politike! ?
Këtyre u vjen për të qeshur dhe për të qarë nga protesta universitare!
Këto na emërojnë ambasadorët, na përfaqësojnë me jashtë, zgjedhin gjykatësa, prokurorë, presidenta!?
Këto shkojnë nëpër botë për të dhënë imazhin e Shqipërisë!
Kur fjalori i tyre është:
baxhellë
e përdalur,
pise
llazore
qelbësirë.
Më hangsh këtë e më hangësh këtë!
Më kujtohet para disa dekadash Liza e Qymyrit dhe e adhuroj në heshtje duke e parë me sytë e mendjes sesi tërhiqte karrocën me qymyr!
Monument Lizës të Qymyrit që jetonte në vuajtje me djersën e ballit të vet!
Dhe imagjinoni që këto fjalë të ndyra i thonë para kamerave të televizorit, mendoni pak se çfarë fjalori kanë në tru kur janë midis tyre, çfarë bisedojnë midis tyre nëpër kafene, cfarë thonë në momente intime, në biseda me njerëz të besuar.
Këto e këta me pallto të shtrenjta sa një apartament dy dhoma e një guzhinë,
që vijnë me vetura që i përdorin ndofta nuset e mbretëreshës të Anglisë,
që hedhin parfume si të Bebe Rexhës,
Cfarë karagjozlliku, çfarë komedie, çfarë fyerje për shqiptarët!
Imagjinoni që e dinë që i shohin fëmijët e tyre, djemtë dhe vajzat e tyre, mendoni se në çfarë mjedisi edukativ jetojnë përderisa nuk pyesin as për këtë fakt!
