LAMTUMIRË LISI I MBJELLUR NË RRËNJËT E TOKËS ARBËRORE

Nga

22 Shkurt 2021

324

Shkruan: Gjon Krasniqi

(Nekrolog për nipin tim, Prend MARKAJ)

Për ku është nis koha nipi im, ku janë mbjellur veprat tua para se ta jap lamtumirën e fundit. Ku shkon he burrë i urtë e fisnik. Sot, ka pikëllim fisi I Mërturit, familja e krejt diaspora. A nuk të lodhi një shekull angazhim kombëtar e fetar. Pse na le o uragan, që kurrë nuk dite të lodheshe sepse në vete ushqeje një besim të madh në Zot, komb, fis, familje e njerëz andaj të zgjodhën edhe këshilltar i kishës qe ti sherbesh Zotit, kombit e familjes.

Çohu he burrë se të therret shkolla shqipe në Zvicërr, që aq shumë u angazhove që të hapej për nipërit tanë për mos me e harru kurrë gjuhën e nënës e gjurmët e atdheut. Qohu, he burrë e ta ndërrojmë ndonjë fjalë se ishe një humanist i madh, dhe kokën po e mbaj mbrapa mos po të troket ndonjë nevojtar në derë.

Ti kishe zemër humane, andaj të shumta janë veprat tua të kësaj natyre. Ti kishe dashurinë në vepër për çdo njeri e çdo shqiptar, për atë fjalët i kishe të pakta e veprat e mëdha. Aty ku thërriste zëri i atdheut, ti ishe i pari në veprim, angazhim e këmbëngulje. Të kishim ideolog e fanar ndriçues për tërë Diasporën tonë në kohëra të acarta për popullin shqipëtar. Nuk të trembte as tufani e as tirani, sepse ku të trembej nipi i Malësisë me frymëzim të Dedë Gjon Lulit. Ky kombinim genetik i bukur Mërtur – Malësi e Madhe, të kishin dhuruar tharmin më të përkryer të shqiptarizmes, andaj nuk kishe si të veproje ndryshe, vetëm si një shqiptar i vërtetë.

Më çdo kë që kontaktove e bashkëpunove gjatë jetës sate, le përshtypjen e njeriut të urtë, human, besimtar i mirë, këshilltar i mirë, kombëtar i mirë, prind e vëlla i mirë, përkthyes i dalluar e vizionar por edhe një frymëzues për jetën. Ti ishe ura lidhëse mes njerëzve me botëkuptime ndryshe dhe me forcën e mençurisë e urtisë, mbillje paqe aty ku kërcënohej harmonia e jeta. Ty e fjalës sate i besonin burrat sepse kishe fjalë e besë.

Ty të besonte e çmonte familja, sepse e ngrite lart nderin e tyre e pasardhësve tu. Ty të besoj, plaga e atdheut sepse tërë jetën u mundove t’ia shërosh plagët. Ti kishe besë në Zot andaj të besoj kisha. Ti kishe trimëri e urti, andaj i fitove betejat e jetës. Ty të besuan shokët sepse ishe krahu i djathtë i tyre.

Ty të besuan gjeneratat sepse në ta mbolle këshilla, shembull jete dhe ëmbëlsi. Ti përjetove “kryqin” dhe udhëkryqin e jetës por më së shumti e doje plisin e bardhë në kokë dhe rrugën e shqiponjës. Dajat tua nga Malësia po e rrahin gjoksin duke e bërë gjamën për humbjen e nipit, kurse në familje në Kosovë po të pret një qiri i ndezur dhe një varr i hapur.

Toka që të lindi po të pret ta pushosh trupin për amshim, kurse qiriu juaj plot dritë do ti bëj dritë kujtesës sonë për një burrë fisnik, njeri me të mëdhenjtë e Diasporës sonë shqiptare. Kthehu, Prend Markaj he burrë prap në rrugët tona e bëju dritë qëllimeve e idealeve tona.

Do të na mungosh, he burrë në çdo ndeje e takim, gëzime e ngushëllime, festa, dasma e aktivitete. Diasporës do i mungoj një burrë fisnik me rrënjë të vërteta shqiptare, kurse tokës amë do i kthehet biri i tij i vyrtytshëm. Të ngrohtë të ndjeva kur të takova për të parën here, të ngohtë e plot vyrtyte po ta jap lamtumirën e fundit.

Ti kishe rrezen e burrit fisnik në ballë, andaj për ty nuk mjafton një varr i mermert dhe një kryq tek koka. Ty të takon lavdija e veprave tua e shkruar me shkronja ari mbi varr dhe në zemrat tona.

Ti po shkon, por veprat tua do mbesin të rrënjosura thellë në memorien e brezave…

Të qoftë i lehtë dheu i Kosovës që aq shumë e deshe.

1 KOMENT

Dhimbia e madhe POPULL. 8 Mars 2021 Në 16:35

I perjetshem kujtimi kesaj figure te shquar se pari Njerzore Atdhetare, Prend Markaj, bir i Kosoves, ani mes Zvicres, nje jete per Te e MBRODHESINE njerzore folur e shkruar.
Dite Njemije, i nderuar Gjon Krasniqi, per kete QENDISIE te ralle te asaj FIGURE NJEREZORE SJELLE. (nderi i cdo shqiptari te kudo ndodhur do shtoja une 85 vjjecari *Biri i Dangellise Naimjane* tej oqeanit marre kete njoftim DHIMBIE.)

Me *Pasuesit veterane* ne keto dite feste te 7-8 Marsit, ne Toronto sa mbare emigrantet tane maree kete lajm te hidhur, po na ben krenar per TRASHEGIMINE LENE. Ngushellime Familjareve sa gjithe Dashamireve atdhetare.
Dhimbia e Madhe POPULL!(Dh Xh.)

Komentet janë mbyllur.

1 KOMENT

POSTIMET E FUNDIT

Rreth FJALA e LIRË

Diapozitiv

Zgjedhur nga EditorI