Kosova ka nevojë për një ”Rilindje” të dytë

Dhe ditët e vitit sikur nuk janë të mjaftueshme për t’i kujtuargjithë ato data të lavdieshme të ngjarjeve e të personaliteteve që kishim.

Mburrem-i me ata ata burra e gra e me ato ngjarje që jetojmë me to, sepse e meritojnë dhe kanë vlera, si Gjergj Kastrioti e … Naim Frashëri, Gjergj Fishta e Ibrahim Rugova, Kolonel Ahmet Krasnqi e … Hamzë e Adem Jashari, LSHP (Lidhja Shqiptare e Prizrenit), Shpallja e Pavarësisë së Shqipërisë etj.

Dje ishte përvjetori i 14-të i vdekjes së Ibrahim Rugovës, Presidentit Historik të Kosovës, letrarit, kritikut e studjuesit të letrave shqipe.
Sot, më 22 janar duke shfletua shtypin, natyrisht në internet, ”më ra në sy” një urim (letër) e Behlul Jasharit e të publikuar në Revistën Drini ” -Urimi i Gazetës Rilindja Presidentit Rugova në fundvitin 2005 me Kalendarin e Pavarësisë Nga Revista Drini -dita e djeshme, dat. 21 Janar 2020.
Kjo sikur më ktheu mbrapa në vitet kur ”Rilindjen” e kishim në çdo kiosk në të gjithë Kosovën.

E pse tash nuk e kemi ”Rilindjen”?
Dikush do të thonte, po ”Rilindja” ishte ”Organ i Lidhjes Socialiste të Popullit Punonjës të Kosovës”, pse ta kemi atherë?

– Po ”Rilindja” ishte e tillë, por ishte edhe Radio Prishtina e Telelvizioni që kishin fuqi edhe më të madhe shikimi për shkakun se ”Rilindjen” e lexonin kryesisht intelektualët e RTP-nës e shikonin edhe plaka e pleq, që nuk dinin shkrim këndim.

Kosova ”privatizoi” të gjitha ndërmarrjet e mëdha që dikur ishin kenaria e Kosovës, si ”Ballkani” i Suharekës, ”Emin Duraku” i Gjakovës e shumë tjera.
Ishte edhe NGBG (Ndërmarrja Gazetare Botuese Grafike) e Rilindjes e cila botonte me dhjetëra revista, letrare, shkencore e të tjera përveç ”Rilindjes”, gazetës së përditshme në Kosovë e deri vonë, ishte gazeta e vetme ditore në gjuhën shqipe në gjithë ish RSFJ-në (Rep. Soc. Federat. të Jugosllavisë).

Të përmendim vetëm disa nga revistat: Jeta e Re, Përparimi, Shkëndija, Thumbi etj.

Rilindja botonte edhe veprat e klasikëve botërorë e kombëtarë, Shqipëria, bile ende pa i botua Shtëpia Botuese ”Naim Frashëri” në Tiranë, si psh kompletin e veprave të Ismail Kadaresë, në kohën më të keqe që përjetonte Kosova, më 1981, pastaj kompletin e Eqrem Çabejt, Lasgush Poradecit, Asdrenit etj.

Rilindja, Rilindja ishte vërtetë një Rilindje për shqiptarët e Kosovës.
Rilindja, u mbyll, ndërsa RTP-së iu ndryshua emri, në RTK, sikur RTP-a të mos kishte qenë e Kosovës.

Ajo ishte shkolla e parë shqipe ku na i dha ata që edhe sot kemi nevojë për ta, Esat e Hasan Mekulin, Ali Hadrin e Anton Çettën, Mark Krasniqin e Idriz Ajetin. Ishin këta që na treguan kush kemi qenë e çka duhet e mund të bëjmë.

Disa nga të lartpërmendurit pata fatin e i njoha. Ndejta me ta dhe iu shtrëngova duart. Mësova prej tyre. Tre prej tyre i kisha edhe e mentor (Hasan Mekulin e Anton Çettën e Idriz Ajetin).

Rilindja, muajin shkurt, edhe 21 ditë e ka ditën e lindjes.
Më 12 shkurt 1945 në Prizren doli gazeta historike Rilindja, me shkronja plumbi të ardhura nga Tirana.

Rindja, kush ishte ai që e kishte propozua këtë emër kaq të mirë, të madh e domethënës?
Nuk e di por e di se Ai njeri ose ata njerëz kanë qenë të medhenj.
Më duket se autorët që e pagëzuan ”Rilindjen”, ishin edhe më të mëdhenj se vetë themeluesit e Rilindjes në Itali (në Firencë) e asaj në Francë (Renesancë).

Esadi Jonë ishte më i madh se Danteja e … Petrarka sepse ne nuk kishim asgjë, nuk kishim as ”Mona Liza” e as vepra letrare, artistike, piktura e skulptura 1*).

Me Rilindjen, e në Rilindje filluam të shkruajm ABETARET e para në Kosovë e mësuesit e parë shqiptarë, të ardhur nga Shqipëria nuk u ndalën. Ishte Mehmet Gjevori, autori i parë i Abetares shqip në Kosovë.

Ata burra që nuk ishin të paktë, që na sollën dritën e librin, sikur u harruan.

U harrua edhe Rilindja.
E shoh të nevojshme të them publikishte:
Kemi nevojë për një RILINDJE, edhe për një gazetë, si ”Rilindja”.

1*) Komedia Hyjnore (Divina Commedia) është vepra madhore e poetit, shkrimtarit dhe politikanit italian Dante Aligieri, një prej teksteve kyç të letërsisë perëndimore. Vetë Dantja e pati quajtur librin thjesht Komedi “Commedia” dhe duket se prapashtesa Divina (hyjnore) iu vu librit prej Giovanni Boccaccio në veprën e tij “Trattatello in laude di Dante”, – marrë nga Wikipendia.

Sinan Kastrati, Suedi
Malmö, 22 janar 2020