Fejton (1) / KOLONA E PESTË (Fünfte Kolone[1]/ Fifth Column[2])

Shkruan: Shefqet DIBRANI

HYRJE:

Kolona e Pestë[3], është formacion i dyshimtë[4], që ka mision të caktuar! Ndërsa në Kosovë, KOLONË E PESTË, mund të llogaritet Klani nga RIINVESTI[5], pastaj nënë seksione të Kolonës janë formacionet “LIDHJA e BESO.”[6], të cilët tërësisht dhe krejtësisht në mënyrë klandestine dhe jo të rregullt, d.m.th krejtësisht në mënyrë antistatutare janë katapultuar në strukturat udhëheqëse të LDK, për t’i shantazhuar e paralizuar të gjitha proceset politike e shtetërore.

Edhe pse veteranet dhe themeluesit e LDK-së, diku mbi 70% janë gjallë[7], ata i ka eliminuar Kolona e Pestë, nga Kryesia e LDK-së, nga KP i LDK-së[8], pastaj askund nëpër Kryesitë e Degëve të LDK-së nuk gjen ndonjë veteran e themelues të Degëve që janë pjesë e strukturave, po ashtu nga ky brez nuk është zgjedhur asnjë delegat në Kuvendin Zgjedhor të LDK-së, madje këtë privilegj nuk e gëzon asnjë veteran për të qenë Deputet në Parlamentin e Kosovës. Ky zinxhirë kaq kriminal dhe kaq antidemokratik ka vazhduar duke i eliminuar nga çdo vend e nga çdo funksion, prandaj askund themeluesit dhe veteranet e LDK-së, nuk janë marrë si këshilltar askund nëpër borde e ministri dhe as nëpër komisione profesionale që i ka LDK-ja. Ky eliminim kaq i madh nuk ka mundur të ndodhë as në shtetet diktatoriale, por konsiderohen reforma dhe veprimet janë mbështetur një brez më i ri i cili qenka shkolluar në Evropë dhe Amerikë, të cilën kanë mision për të keqinformuar SHBA-në dhe vendet e BE-së, sikurse edhe EPP-në.

Nga ky prizëm mund të konstatojmë se të gjithë ata që janë në vartësi të Isa Mustafës, deshën apo jo, janë pjesë e KOLONËS SË PESTË, dhe kanë mision për t’i sabotuar të gjitha proceset demokratike në Kosovë, për të cilat kanë investuar vendet e BE-së dhe Shtetet e Bashkuara të Amerikës, duke mos e harruar Japoninë dhe vendet tjera aleate.

Kjo analizë mëton për të kompletuar qasjen rreth veprimtarisë subversive të Kolonës së Pestë, e cila në strukturat e LDK-së është zgjedhur në mënyrë mafioze me pëlqimin e Isa Mustafës, i cili nuk i respekton zgjedhjet e fshehta, konkurrencën dhe normat demokratike të cilat janë pjesë e statusit dhe rregullores për zgjedhje edhe brenda LDK-së[9]. Po të ishin mirë të informuar Amerikanët dhe strukturat politike në BE, sidomos ato në EPP[10], Isa Mustafës që moti e kishin izoluar duke e detyruar për t’iu nënshtruar reformave. Por janë Kolona e Pestë, fatkeqësisht me diploma të marra nëpër Universitetet e Evropës dhe Amerikë, të cilët kanë mashtruar për reformat dhe forma e rregullta e demokratike në LDK. Këtij kori i shtohen disa ish bashkëpunëtor të Konsullatave Jugosllave në Evropën Perëndimor, militant nëpër Klubet Jugosllave, barinjë dhe kopshtar analfabet, mashtrues e mercenar, që kanë tradhtuar Salih Çekajn, e deri procesin zgjedhor pas Kuvendit të VII-të Zgjedhor, në Degët e LDK-së në Zvicër dhe gjermani, gjatë vitit 2015-2017, dhe militant të Grupeve të Trepërqindëshit që udhëhiqeshin nga Isa Mustafa, por asnjëri syresh, flas me përgjegjësi të lart morale e profesionale, nuk ka qenë strukturë e organizuar brenda radhëve të LDK-së gjatë viteve të nëntëdhjeta.

Postieri amerikan në Luftën e Dytë Botërore

Dorën në zemër Isa Mustafa, personalisht e ka thënë një të vërtetë të pakontestueshme, sepse ai kështu ka vepruar qe 40 vjet rresht. Tashmë shihet se Populli për Isa Mustafën, është letër shpenzuese, (për të mos e theksuar letër WC-je). Prandaj pa e turpëruar fare, ky përfaqësues tipik i KOLONËS SË PESTË, në emisionin Argument Plus në TV21, të datës 08.05.2020, e ka thënë saktë e pa ekuivokë një të vërtetë se në Kosovë: “Qytetari nuk vendos se kush do ta udhëheq vendin”[11], d.m.th. votuesi është pjesë e orkestrës për të emituar demokraci, sa për të krijuar alibinë se Isa Mustafa dhe Kolona e Pestë, e respektojnë votën e qytetarit dhe pikërisht me këtë adutë, ky klan ka mashtruar Amerikën, Bashkimin Evropian, të cilët vazhdimisht i kanë vlerësuar zgjedhjet e mira, por siç e dimë të gjithë, imazhi i tyre është prishur më vonë, nga interesa të jashtme, nga klane të cilët interesin personal e kanë vënë mbi interesin e Kosovës. Nga ajo që e tha publikisht Isa Mustafa, ne kuptojmë se sa finok është ai për t’i mashtruar edhe Amerikanët dhe BE-në, por ai nuk ka hequr dorë nga idiotizmat komuniste, me të cilat ia ka shtrirë zullumin Kosovës.

Tashmë vetëm u bë e qartë, nga goja e tij, se për qeverisjen e Kosovës vendos DALLAVERAXHIU i pashembullt, humbësi i të gjitha zgjedhjeve, keqpërdoruesi i Fondit të Trepërqindëshit, shkelësi i kushtetues, krijuesi i Asociacionit të Komunave Serbe, mu në zemër të Kosovës, njeriu që me nënshkrimin e tij ia fali Malit të Zi, Qakorrin e Zhlebin[12], d.m.th. se për Qeverinë e Kosovës, vendos ai i cili erdhi në krye të LDK-së pa qenë kurrë më parë anëtarë i saj. Pra, për Qeverinë e Kosovës, vendos vetëm Isa Mustafa, i cili asnjëherë nuk iu nënshtrua votës së brendshme në LDK, ai që nuk ka dhënë asnjë llogari për veprimtaritë e tij, që nga diferencimet ideopolitike në vitin 1981, e gjerë në ditët e sotme[13]. Ai bashkë me mercenaret e tij në Zvicër dhe Gjermani, pra pikërisht me analfabet klasik, me ata që s’kanë qenë kurrë në luftë dhe flasin për luftën, me ata që kanë tradhtuar Heroin e Kosovës Salih Çekaj, dhe thirren si bashkëluftëtar të tij, me ata që edhe në Degët e LDK-së në Zvicër dhe Gjermani, tashmë janë aktivizuar si boshti Bukoshi & Mustafa, të cilët padyshim janë strukturë dhe në shërbim të Isa Mustafës. KOLONA E PESTË, është aktive më shumë se kurrë më parë, ajo është në Mision për ta shkatërruar LDK-në dhe Kosovën[14].

Vijon…