Isak . A h m e t i
KOHA-VEPËR E ZOTIT
———————————
Koha
o Zot
Vepër e jote
atë e bëre Ti
koha ishte
para se bëre
Qiellin e Tokën
Ti
paraprijës i çdo kohe
Ti ke bërë çdo kohë
——————————–
Ti
Zot
krijues
ke bërë çdo kohë
e gjithë koha
vepër e jote
Dy kohë
————–
Dy kohë
e kaluara
e ardhmja
nëse e kaluara s’është më
atëherë
e tashmja
nëse gjithmonë do kishte të tashme
që nuk kalon në të kaluar
atëherë nuk do ishte kohë
do ishte përjetësi
Nuk e di
————-
Nuk e di
nuk e di se ç’është koha
e di
këto fjalë poetike
po i shqiptoj në kohë
vazhdimi i kohës
me pak dritë n’errësirën time
Deus creator omnium
———————————–
Zot
krijues i gjithçkaje
Deus creator omnium
te ti unë mas kohën
koha është ajo
ose nuk është kohë
ajo që mas kur mas kohën
Kujtesa
————
Si mund të mbarojë e ardhmja
që ende nuk është
si mund të jetë e kaluara
që nuk.është më
është mendja ajo që ka shpresë
kujton
është objekt i kujtesës
