KËNDVËSHTRIM
Hera-herës hyjë ëndrrës sime, larg
pasqyrës që ajo të më sheh, shpirt,
nga ndjenjë dashurie më vjen poezia
me lot dhimbjesh, e me lot prehjesh.
Tëra poezitë tek unë kanë mendje,
kanë frymë, vetëdije e nënvetëdije
janë shpërthime muzash me duar të
buta të fjalëve dhe shkronjave! Fjala
në art, është e pamatshme së thelli…
Roganë, unë kam nevojë për ty, për
ajrin dhe zambakët e kopshtit tënd
për 3 zemrat tua natyrore, kam mall
që edhe njëherë të ngjitëm Brijës,
dhe të dremitem kopshtit me mollë.
Tërë zogjve të Roganës ua di foletë,
ua di dhomat e tyre nëpër degë, ua
di foletë zogjve të dashurar e t´fejuar
nëpër pemë zogjtë i bëjnë dasmat!
Hera-herë fluturoj me ëndrrat e mia
hapësirave kah fluturon shqiponja
s´më intereson kush është zotëri as
hajdut, librat ende kanë lot faqeve;
vendlindja ime këtë zemër më dha
në Roganë asgjë s´duhet të harrohet!…
Atdhe Geci – Dortmund, 2020
EMBLEMAT ARBËRORE
Shumë shpata perandarësh janë shembur mbi né
dhe shumë ëndërra shqipesh janë vrarë për atdhe
jemi nipash të pellazgo-ilirëve, fisesh të hershme
s´jemi bijë lotësh as humbës të luftave e betejave
jemi vendlindja e dy botëve të shenjta e himnore
Më 17 shkurt “trimat” e ngritën një tjetër flamur
jo atë të betejave, jo atë të busteve dhe të varreve
Në vendlindjen tonë prej 54 shkronjash pellazge
rilindëm me 36 shkronjat e Alfabetit të Manastirit
rilindëm përmes gjuhës krijuese të popullit tonë
Luftuam, atdheun ta bëjmë Shqipëri të bashkuar
por fqinjët i kishim armiq që synonin tokat tona
Kosovë dardane, je e hershme kur s´kishim fqinj
Je e lashtë kur kufijtë shtrihehin deri në Vjenë
I gjithë mesdheu ishte toka jonë dhe vendi ynë
kaluar kemi nëpër dy vendlindje luftërash, nëpër
dy epoka të trishta por, fati s´ ishte në anën tonë
kështu përjetuam dy fitore luftash të pakënaqura!
Nga zotat e hershëm tek monarkët e sotëm, kemi
plotë mistere, si i mbijetuam egërsisë së fqinjëve
historia është krijim i shenjtë dhe, krijim fitoresh
Më 17 shkurt “trimat” e ngritën një tjetër flamur
jo atë të betejave, jo atë të rënëve dhe të busteve
ngritën një flamur të konsultuar dhe me pazare
se ky vendi ynë, vetëm qiellin e ka të përjetshëm!…
Atdhe Geci – Dortmund, dhjetor 2020
