Dr. Alexandre Lambert – nga Oculus News
Dr. Alexandre Lambert, historian, drejtor akademik i “Shkollës së Trajnimit Ndërkombëtar” në Gjenevë, është autori i disa librave dhe artikujve në fushën e filozofisë politike, marrëdhënieve ndërkombëtare, politikës së sigurisë dhe marrëdhënieve civilo-ushtarake. Lambert ka vizituar shumë herë Shqipërinë dhe ka filluar t’i studiojë çështjet në rininë e tij, duke kërkuar në arkivat e Lidhjes së Kombeve, Gjenevë kur studioi u frikësua mjaft nga çështja çame.
Historiani zviceran Dr. Alexandre Lambert këmbëngul se nuk është rastësi, që shqiptarët në çdo moment të historisë, të mos njihen si një komb që ka sulmuar kombet e tjera dhe se shumë shqiptarë kanë shkëlqyer, duke udhëhequr perandori dhe ishin udhëheqës në shumë vende të tjera. Po kështu, sipas tij, disa shqiptarë kanë lënë emrat e tyre në fusha të ndryshme të shkencave në vende të ndryshme të botës. Historiani u ndal në Luftën e Dytë Botërore, duke shprehur bindjen se për atë që ndodhi në Shqipëri, lënia e Shqipërisë në Bllokun Lindor ishte një llogari e bërë nga aleatët.
Në mesjetë, shqiptarët i dhanë botës shumë udhëheqës, liderë laikë ose fetarë dhe personalitete kulturore, që shkojnë përtej Evropës. Disa papë ishin shqiptarë, për shembull – Klementi XI, më i shquari prej tyre. Por shqiptarët kanë udhëhequr fetë më të rëndësishme në botë, si kreu i fesë ortodokse, si dhe myslimane. Në histori gjejmë liderë të shquar shqiptarë në shumë vende evropiane, madje edhe ato që ndonjëherë kanë përcaktuar fatin e shumë betejave historike (në vitin 1515 ishte kalorësia e Mercury Bua në Venecia, e përbërë e tëra nga shqiptarë, që vendosën fitoren në betejën Mariniani; historia e emëroi këtë, si beteja e gjigandëve dhe jo si ajo e Francis I të Francës, 19 vjeç, i cili këto dy ditë beteje po mësonte si të luftonte). Shqiptarët kanë dhënë shumë kryeministra dhe gjeneralë të shquar për Perandorinë Osmane (familja Köprülü vetëm, i dha 5 kryeministra Perandorisë).
Shqiptarët i kanë dhënë shumë heronj pavarësisë Greke, nga të cilët do të përmend Kundurjotis, Marco Boçarin, Kanaris, Kolokotronis, Karaiskaqis, Bubulina, të cilët ishin në udhëheqjen e revolucionit Grek, nga të cilët disa kryeministra të shtetit të sapo pavarur të Greqisë. Rumania kishte edhe një familje mbretërore me origjinë shqiptare (Aleksandri dhe Vladimir Gjika dhe gjithashtu princesha Eleonora, e njohur si Dora Distria). Francesco Crispi, miku i Garibaldit, Mazzini, dhe Kavuri, kryeministri i madh italian, ishte me origjinë shqiptare. Artistë si Carpaci, Albani, etj., Humanisti Leonica Tome, profesor i Kopernikut dhe shumë personalitete shqiptare, u nderuan nga historia e Italisë. Muhamed Ali, reformator i Egjiptit Modern, që historia franceze e quajti atë si “Napoleoni i Lindjes së Mesme“, ishte shqiptari, që themeloi dinastinë mbretërore të Egjiptit, që mbretëroi gati 150 vjet.
Arkitekti i Taj Mahal në Agra, Indi, kryevepra të arkitekturës islame, ishte vepër e një shqiptari, si dhe e Xhamisë Blu dhe xhamive shumë të rëndësishme të Stambollit. Dhe së fundi, heroi kombëtar shqiptar, Gjerg Kastriot Skënderbeu, një shembull universal i luftëtarit të lirisë, i nderuar në të gjithë botën me përmendore, jo vetëm në Tiranë, Prishtinë dhe Shkup, por edhe në Romë, Bruksel, Gjenevë, Detroit, Buenos Aires, etj. Memoriale të tjera për Skënderbeun janë dizajnuar që të ndërtohen në Londër, Varshavë, Melbourne, Manila, etj. Kur shqiptarët kanë kontribuar aq shumë në civilizimin e njerëzimit, pse kaq pak njerëz në botë janë të vetëdijshëm për këtë, dhe shumë madje nuk guxojnë ta pranojnë këtë realitet? /Oculus News
