Abdullah Begolli
Arrestimi i stërperseritur i Ramush Haradinajt me shokë, tregon se Gjeneralet me ushtri te vdekur nuk kan as një vlerë, sepse nuk ka kush ti mbroj.
Me ta mundet të “luaj” “mic-mac”, kushdo, kurdo dhe kudo ku ja do interesi.
Unë jam shahist i dobët, por mundem ta mundi edhe shahistin më të mirë të botës, nëse ai hynë në lojë pa ushtar.
Projekti tashmë i realizuar mbi 16 vite i zhbërjes së UÇK-së, që për qëllim përfundimtar ka vetë zhbërjen e kombit shqiptar, sigurisht që nuk i harron as udhëheqësit kryesor dhe të vërtetë të saj.
Të gjitha, bash të gjitha misionet e hueja ( Unmik = Eulex = Gjykatë speciale = paketa e Ahtisaarit = serbi), sikurse kan treguar zhvillimet e gjithë këtyre viteve jan në funksion të zhbërjes son kombëtare e cila zhbërje , veç i është ofruar pikës kritike.
• Vendi i mbetur pa kufi dhe pa mbrojtje
• Ikja nga vendi e mbi gjysmës së kombit,
• Shkatrrimi i ekonomisë kombëtare me të gjitha degët e saj,
• Marrja dhe ofrimi për marrje nga të huajt i të gjitha pasurive kryesore kombëtare
• Depërtimet dhe instalimet në popull e lloj lloj grupacioneve në emër të feve
• Niveli gjithëherë më i gjymt i arsimimit dhe edukimit
• Korrupsioni, droga, prostitucioni, shkatrrimi i Familjes e plot dukuri tjera të turpshme, e kan shndrruar kombin tonë në një popull endacak, lypsar, qesharak, të urryer nga të gjithë dhe të paragjykuar për çfardo të këqijash që munden diku të ndodhin apo dikujt i bien ndërmend të ja mvesh.
Këto zhvillime shkatrrimtare që nuk kan të ndalur që nga vitet e 90-ta, kan emrues të përbashkët shtëpinë e mbetur pa zot dhe ligje të mirëfillta( me zot shtepie dhe ligje të hueja), ku gjithkush sillet si i teket, pa përgjegjësi për punën apo mospunën, pa përgjegjësi për fjalën apo shkrimin.
Mjafton një qasje e rrjeteve sociale ku në një masë përfaqsohet populli në miniaturë, që të shifet se cili është niveli, interesimi, përgjegjësia, përkushtimi i mbi 95% i shqiptarëve përball gjendjes sonë katastrofale kombëtare.
Shumë më tepër interesim për shumicën absolute ka një dasmë, një urim datlindjeje gruas, djalit, vajzës së vetë, një vetëreklamim i rrejshëm e shumë dukuri tjera çoroditëse, se sa kjo gjendje e rëndë e cila mundet të kthehet nga e mbara vetëm me një vetëdije të lartë të të gjithëve veç e veç dhe të bashkuar si popull dhe si komb.
