E T N I K U – Poezi nga libri, Këngët e popullit

E T N I K U – Poezi nga libri, Këngët e popullit

Çdo pëllëmbë e humusit në atdhé
ka aftësinë e të bërit të korra, ka
aftësinë e të bërit pemë dhe fruta
ka aftësi të ushqejë njerëzit e saj

Në hapësirën tonë ku jetojmë
fal fuqisë së të mbjellave dhe të
korrave, Kosova është sofra jonë
toka që me aq zjarr e dashurojmë

Dhëndëri i mollës së kuqe, dhe
nusja e mollës së kuqe. Jo rrallë
shtriheshin tek qafat e livadheve
për të mbjellë një bimë shqiptari

Populli im, kombi im, atdheu im
plotë shpirtin e kam me Shqipëri
gjaku i lirisë rrënjët i ka të thella
për aq sa koha jep frymë, e merr

Atdheu mund të bëjë më shumë
ndaj papastërtisë së vullnetit të
lirë, vetëdija i jep peshë kohës
çlirimit i bie pesha më e rëndë!..

Rrustem Geci – Dortmund, 2016