Aktet terroriste po ndikojnë që më vështirësi të mbahet barazpësha midis paqes dhe luftës

Nga Skënder MULLIQI

Bota është bërë shumë e vogël prej telasheve të mëdha që i sjellë jeta. Dhe, këto probleme janë bërë barrë e rëndë për njerëzimin. Sikur botën po e sundon më shumë e keqja se sa e mira. E keqja më e madhe në këtë fillim shekull është bërë terrorizmi ndërkombëtar. Ky vit dhe kjo verë e nxehtë u karakterizua më veprime të tmershme të terroristëve, të cilët nuk kursyen madje as fëmijët. Akte të karakterit fetarë të terrorizmit në shtetet ku po zhvillohen luftërat si në Irak dhe Avganistan po kemi gadi çdo ditë, por në Evropë këto janë bërë të theksuara që nga viti 2011 kur norvegjezi, Brejvik vrau në seri afër 100 persona.

Brejvik kishte dëklaruar së ishte frymëzuar nga masakrat e serbëve në luftën në ish-Jugosllavi. Rasti i Brejvikut, i cili nuk ishte penduar për vrasjet e shkaktuara, ishte konsideruar më shumë si një rast i izoluar. Nica, Stambolli, Vircburgu dhe Munihu ishin qytetet e veprimeve të akteve të fundit terroriste. Në Nicë psikopati 18 vjeçar më prejardhje nga Siria shkeli dhe masakroi me kamion afër 80 njerëz në mësin e tyre edhe fëmijë. Ky akt makabër tronditi mbarë botën demokratike. Shqetësimin lidhur më terrorin në Nicë e kishin shprehur edhe krerët më të lartë të pushetit në Francë, të cilët deklaruan së ky shtet tashmë është në luftë.

Një shqetësim të tillë e shprehu edhe kancelarja e Gjermanisë, Angela Merkel pas katër akteve terroriste në këtë shtet. Sigurisht së pas gjithë këtyre rasteve të vrasjeve makabare nga terrorisitët e pa shpirt, ishin të pikëlluar dhe të brengosur mbarë bota liridashëse. Strehë e terrorizmit ndërkombëtar janë berë ato shtete, ku ende po sundojnë në një formë apo tjetër diktaturat. Qendra më e madhe prej nga po vijnë dhe po rekrutohen terrorsitet është Siria, Irani… por nuk përjashtohet këtu as Rusia. Në Turqi pos aktit terrorist, pamë edhe dy akte të turpshme tentim grushtetin në njerën anë, dhe terrorin shtetëror në anën tjetër. Ky vend se si po zhvillohen ngjarjët është duke u zhytur në anarshi totale. Terrorizmi dhe diktatorët janë bërë rreziku më i madh për paqen botërore. Me arsye edhe shtrohet pyetja logjike. Ku është fundi?

Të gjithë këto akte u bën mbrenda një harku kohor shumë të shkurtër si të ishin një program veror, e jo ngjarje tragjike. Pësha e këtyre ndodhive të pa mira ende është në psiqikën tonë. Duhet të kalon edhe shumë kohë që këto ngjarje tragjike sado pak të harrohen për opinion e gjerë, deri sa për familjarët të të vrarëve do të mbetet një vragë dhe dhembje e pa shlyer. Aftësia e botës demokratike është që ta mbajnë qetësinë, të mbajnë drejtimin kah paqja dhe prosperiteti. Gjendja e abnormalitetit na është bërë gjendja e zakonshme! Bashkë më këtë gjendje po rritët edhe frika për të ardhmën.

Të bëhët jeta sot është shumë e vështirë. Ky globalizem i krizës ekonomike që ka kapluar që shumë kohë kontinentin tonë, dhe ky globalizim më lufëtera dhe akte të ndryshme terroriste po ndikon që më vështirësi edhe të mbahet barazpësha midis paqës dhe luftës. Njerëzit po ndihen të mashtruar dhe të manipuluar nga regjimet diktatoriale dhe nga njerëzit e keqinj të kësaj bote. Kur demokracia fillon të vdes nuk mund të presim ndodhi dhe gjëra të mira dhe as të presim paqë të përhershme. Por, kur bashkohen optimizmi dhe besimi i fortë do të munden vështirësitë dhe çdo pengesë tjetër…

Shënim: Sipas disa të dhënave, sulmi i Brejvik në Norvegji, nuk ka qenë i inspiruar nga ngjarjet në ish-Jugosllavi. Brejvik e ka kryer aktin e terrorit, nisur nga urrejtja, që ai ka krijuar për politikanët e majtë norvegjezë, të cilët kanë filluar të islamizojnë vendin. Dhe kështu, Brejvik ka kapur pushkën dhe ka vrarë 77 të rinj nga partia e punës norvegjeze, Arbeide Parti. /AÇ