Presidenti i Shqipërisë shan rëndë ambasadoren e SHBA-së në një bisedë në TV

DOSJE – Në këtë foto të së mërkurës, 21 prill 2021, Presidenti shqiptar Ilir Meta flet gjatë një interviste me Associated Press në Tiranë, Shqipëri. Presidenti i Shqipërisë ka akuzuar ambasadoren amerikane për ndërhyrje në punët e brendshme të vendit të vogël evropian duke mbështetur kryeministrin e tij në zgjedhjet e ardhshme parlamentare. Meta foli ashpër për Ambasadoren Yuri Kim gjatë një bisede televizive të Premten, 23 Prill 2021. Ndërsa shfaqja po transmetohej, Kim i dërgoi një mesazh me tekst Metës dhe gjithashtu shkroi në Twitter për zgjedhjet e së Dielës. (AP Foto / Hektor Pustina, Dosje)

Politika

Nga Llazar Semini | AP – 24 Prill 2021 – WashingtonPost.com – Përktheu Arben Çokaj

TIRANA, Shqipëri – Presidenti i Shqipërisë ka akuzuar ambasadorin e SHBA për ndërhyrje në punët e brendshme të vendit të vogël Evropian, duke mbështetur kryeministrin e tij në zgjedhjet e ardhshme parlamentare.

Presidenti Ilir Meta foli ashpër për Ambasadoren Yuri Kim gjatë një bisede televizive të Premten në mbrëmje dhe i bëri thirrje diplomates Amerikane “të ndalojë mbështetjen për (Kryeministrin Edi) Rama, i cili po shkel zgjedhjet.”

Ndërsa shfaqja po transmetohej në Syri Televizion, Kim i dërgoi një mesazh me tekst Metës dhe gjithashtu shkroi në Twitter në lidhje me zgjedhjet e së Dielës, duke iu përgjigjur një paralajmërimi, që Meta dha këtë javë se shqiptarët do të merrnin sfurqe dhe mjete të tjera nëse Kryeministri përpiqet të manipulojë rezultatet e votimit.

“Është e papranueshme për këdo, që të kërcënojë se qytetarët do të marrin “sfurqe” në 25 prill ose nëse nuk u pëlqen rezultati i zgjedhjeve,” shkroi ambasadorja. ”Këto kërcënime meritojnë dënim. Ata që nxisin dhunë do të mbajnë përgjegjësi për rezultatet e fjalëve dhe veprimet e tyre. Ndaloni.”

Dy partitë më të mëdha politike të Shqipërisë janë rivalë të hidhur të zgjedhjeve. Përballjet midis mbështetësve të qeverisë së Ramës dhe opozitës kulmuan të mërkurën me vdekjen e një mbështetësi kryesor të Partisë Socialiste në qeverisje. Policia ka thënë se viktima u qëllua, gjoja nga një anëtar i Partisë Demokratike të opozitës, gjatë një debati që përfshinte anëtarët e kampeve kundërshtare.

Meta ka denoncuar Ramën për gjoja drejtimin e një “regjimi kleptokratik“, që i përqendroi të gjitha fuqitë legjislative, administrative dhe gjyqësore te kryeministri. Ai gjithashtu akuzoi Ramën për përplasjen dhe reagimin pandemik të Shqipërisë dhe vonesën e integrimit të vendit në Bashkimin Evropian.

Presidenti e mban postin pa përkatësi partiake. Meta më parë drejtoi Lëvizjen Socialiste për Integrim të krahut të majtë, e cila tani drejtohet nga gruaja e tij, Monika, në opozitë me qeverinë.

Gjatë bisedës së të premtes në mbrëmje, Meta e quajti Ramën një “gangster” dhe një “të sëmurë psikik”. Ai gjithashtu u trazua dukshëm pasi mori tekstin nga Kim dhe bëri pretendime ekstreme në lidhje me ambasadoren e SHBA. Në një moment, presidenti la të kuptohej se Kim mund të ishte pjesë e një fushate ndërkombëtare lobimi kundër tij e udhëhequr nga Serbia.

“Ka qarqe të korruptuara. Ka lobim të paguar nga Serbia, atje (në ShBA) dhe në vendet e tjera, të cilat përdorin përfaqësuesit e Amerikës kundër Ilir Metës,” – tha ai.

Meta pretendoi se Kim i tha atij gjatë një telefonate: “Ne dimë disa gjëra për ty.”

“Unë i kam thënë (Uashingtonit) që nëse ke ndonjë problem me mua, të lutem më njofto, sepse e di që mund të më vrasësh edhe mua,” tha ai. Meta shtoi se ai do të shkonte në një mal aty pranë dhe pastaj “ju mund të lëshoni një raketë mbi mua, në mënyrë që të mos dëmtohen njerëzit e tjerë“.

Pas takimit me Lulzim Bashën e partisë kryesore të qendrës së djathtë opozitare Demokratike, ambasadorja amerikane përsëriti të shtunën se Uashingtoni “nuk mbështet asnjë parti apo kandidat“.

“Por ne absolutisht mbështesim të drejtën e të gjithë qytetarëve për të votuar lirshëm dhe në paqe,” shkroi Kim në Twitter.

Fushata zgjedhore nuk u lejua në Shqipëri të shtunën. Meta u dërgoi një letër partive opozitare të vendit, duke u kërkuar atyre të mos lejonin “asnjë përpjekje për të prishur procesin zgjedhor“. Ai gjithashtu u bëri thirrje prokurorëve, policisë dhe komisionerëve të zgjedhjeve të jenë të paanshëm.