Nga MUSTAFA V. SPAHIU
PO VJEN PRILLI
Me sihariqe – ndezi dritë pranvera,
Prilli – lejlek – na erdhi deri te dera.
Sa dielli i madh në centrale gëzimi,
Dhe i këndshëm – përhapet blerimi.
Prilli, prilli – me bukuri,lezet galdoi!
Gjelbërimi në të katër anët vërshoi.
I ka hapur krahët – në njërën dorë,
I cicërojnë qindra zogj sa gazmorë!
Trenat e prillit – fushave rrëshqasin,
Lojën e fluturave gjerdane e zgjasin.
Dora tjetër me gishtat – dashuri! –
I zgjon fëmijët – me syçkat si inxhi.
Zgjohuni, zgjohuni – prilli i thërret:
– Mbëltoni dëshirat, t’keni shëndet.
Rrezesh shpikni – lojë pa maraze,e
Syt’e ylbereve janë rèsh buzagaze.
– Kujdes mbi ylberesh kur kaptoni,
Gjininë tuaj nuk duhet ta ndërroni!
Një prill ditëparën – e ka me shaka,
Themi gënjeshtra – qeshim hahaha!
Fijeve të barit me nder iu përkulem,
Në breg t’lumit te tamëlçaku ulem…
Ia qaj një dert, i them dëgjo, or mik,
Si nuk pata krah të artë dhe magjik?
– Tani po t’njoh në shpirt, xha poet!
Me sytë gjezdise gjelbërimin – det.
Çelësi i prillit është i çmuar shum,’
Lulet na magjepsin – falin parfum…
Dëgjo, n’kitare zymbylat këndojnë,
Prillin e paraverës’i princ e nderojnë.
Gjeth t’ri – gjallëri mbushen malet,
Kënga për prillin nuk din të ndalet…
E hënë, 29 mars 2021, në
Dardaninë Ilire
PA TITULL
Fshatrave ndeza fenerë të ndriçimit,
Asnjë qindarkë s’e kurseva askund…
Papo uragan bëhem prej zemrimit –
Pse s’me njohin kur futem n’katund?
N’lojëra takoj bylykun me çamarokë,
Pa hatërmbetje m’shikojnë ngrysur!
M’kureshtari – thot – nga je “bablok”
Është brez’i tretë n’avazesh harlisur.
Kthehem n’kujtime n’palcë shkrihem,
I ngjatjetoj me të përzgjedhurat fjalë.
Me çamarokët si lepurush përvidhem;
N’lojë buzëmbrëmjen e pres ngadalë.
Shtëpive tjegullat sa qenkan rreshkur
Dhe paskan ndryshuar plot gjësende!
Me vashëza n’valle duke buzëqeshur;
Jam “djalë” fshati iu them me ëndje…
E shtunë, 10 gusht 2019, në
Vendlindje
FANITEM PËR FSHATIN
Prindërit më kishin të vetmin djalë,
– Zemrash më ruanin sikur një flori.
Nga ati im ndërmendi këtë fjalë:
“Bir,mos humbis veten’asnjë ligësi!”
Kjo fanitje ç’më shfaqet hera-herë,
M’besoni asgjë s’honepsi çka thonë;
T’sharat vazhdojnë lodrash e poterë;
As për thashethemesh s’bëhet vonë!
Dhe ruaj karakterin tim tipik shqiptar,
Çdo gjë me djers’e punë kam arritur!
Kam gjetur alter-egon ndërgjegjelarë,
Përtej aftësive t’mia gjë s’kam pritur!
As ofiqe s’dua – n’këtë moshë i druaj!
Pikërisht n’vendlindje do isha harakat.
Jam poet fshati – të bukurën e shquaj,
Këtë e them vargjesh pa lavde aspak…
E diel, 14 korrik 2019, në
Dhèvendlindje
