Shoqëritë e prapambetura e në zhvillim e kanë përqindjen më të lartë të besimit fetar

Në një replikë me prof. Pirro Prifti, i cili e justifikon prerjen e kokës së një mësuesi në Francë, duke e konsideruar atë si të nxitur nga diskriminimi fetar…

Pirro Prifti
I nderuar Arben je komplet jashte binareve madje te paska dale nga vendi zari i llogjikes.
Je nje ateist i papare. Nuk e di e ben per tu dukur apo se je i pafe.
Shqiptaret jane populli qe e ka kuptuar me mire nga te gjithe – se te vritesh per arsye fetare eshte e kote dhe padobi. Kete shqiptaret e kuptuan pas perplasjes qindra vjeçare me perandorine osmane. E kuptuan se per te mbijetuar duhej te pershtateshin.

Arben Çokaj
Pirro Prifti, shqiptaret nuk janë dhënë edhe aq pas fesë në histori, pasi siç e sqaron edhe prof. Mathieu Aref: “Për të qënë Shqiptar nuk ka nevojë të jemi as mysliman as besimtarë i një feje tjetër.” Por z. Aref jeton në Francë, ka ndjenjë e kulturë europiane si unë, kurse ti jeton në Shqipëri dhe bie pré e një mentaliteti të theksuar oriental e fetar shqiptar. Dhe nuk ka asnjë vështirësi për ta kuptuar, se shqiptarët nga komunizmi kaluan nën një skllavëri tjetër ideologjike, atë fetare pas vitit 1990, ku dominon islami. E kjo është regres. Nëse komunizmi ishte më racional e produktiv, por dështoi si rrjedhojë e planifikimit të ekonomisë, kryesisht, një shoqëri e fetarizuar si ajo e jona sot, nuk ka asnjë shans, kuptoje mirë një herë e përgjithmonë: asnjë shans, që të zhvillohet, kur edhe njerëzit e shkolluar si ti, i kam parë edhe të tjerët që mbahen për profesora e intelektualë, bien nën zgjedhën e fesë! Feja është skllavëri! Nuk vjen zhvillim prej saj, vetëm prapambetje.

Nuk kam dëshirë me u zgjatë këtu, por kush e din rolin e fesë që nga krijimi i saj e deri sot, e din se feja nuk e zhvillon një shtet, dhe parimisht është gjithmonë në konflikt me shtetin. Sa më i fortë roli i fesë në një shoqëri, aq më i dobët shteti dhe ligjet e tij. Liria ose kufizimet që një fe lejon, ndikojnë në një shoqëri besimtarësh dhe kjo ndikon pastaj edhe në zhvillimin e saj. Europa e kaloi Mesjetën – periudhën më të errët të saj, ku shkencëtarët digjeshin në turrën e druve prej një feje, më liberale në gjenezë se ilami. Ju që justifikoni vrasjet për hir të fesë, ju jetoni ende në mesjetë, nga pikëpamja konceptuale. Fatkeqësisht këtë mesjetë nuk e kam parë vetëm te muslimanët, por edhe te katolkikët, e tani me ty, edhe te ortodoksët shqiptarë. Pasi ne na dominon islami, e ju për inat të njëri-tjetrit, në vend që ta injoroni fenë, ju po shkretoni pas saj.

Sa për dijeni, në Europë nuk jepen njerëzit edhe aq pas fesë, pasi shtetet janë laike, të pafe si unë e shumë të tjerë! Ne nuk kemi dalë jashtë binarëve të arsyes, por ju jeni në shtratin e binarët e fesë. Sipas studimeve, shoqëritë e prapambetura e në zhvillim e kanë përqindjen më të lartë të besimit fetar në popullsitë e tyre. Në vendet e zhvilluara, besimi fetar ka ardhur duke rënë ndjeshëm. Vetëm vitin e kaluar në Gjermani e lanë kishën disa qindra mijëra vetë. Dhe tani ka rreth 52% besimtarë në Gjermani, e po ecën punët kështu, shumë shpejt besimtarët në Gjermani do të jenë më pak se gjysma e popullsisë. Kurse në vendet Skandinave, kjo përqindje e mosbesimit ka kohë që është mbi 50%. Kjo tregon se Frojdi e parashikoi mirë këtë punë, që me rritjen e dijes dhe arsyes, feja do të vijë duke u zhdukur, në punimin e tij “Mosiu dhe feja monoteiste“…

Por jo në Shqipëri, jo për ju, që justifikoni edhe vrasjet në emër të fesë! Pse ndodh kjo? Nga histeria kolektive që shoqërinë tonë e ka kapur pas 1990-s, të shkretimit fetar. Shurdhoheni përditë nga eZani i naltë e neurozat fetare dhe jeni të paaftë e nuk dini të dilni nga ajo gjendje. Prandaj edhe premisat që Shqipëria të zhvillohet nuk duken edhe aq premtuese. Vetëm me shkollim e dije, orientim racional drejt shtetit nacional e laik, drejt punës e zhvillimit, mund të kemi shanse të dalim më shpejt nga gjendja iluzionare, që është krijuar tek ne!

Pirro Prifti
Mendimi i z. Arif eshte njelloj si mendimi i sh. Enver.
Sidoqofte shqiptaret perkundrazi jane shume te dhene pas fese por nuk e shprehin sepse perzjerja fetare islam & krishtere brenda familjeve shqiptare eshte e madhe dhe keshtu ata per te mos patur perplasje hapin rruge ose behen indiferente ndaj debateve fetare.
Mos harro shqiptaret jane nga vendet me te arsimuara ne bote.
Dhe Arsimimi e shmang dhunen fetare.
Injoranca shkakton dhune.

Arben Çokaj
Nëse një shoqëri merret me fe, ajo e tregon veten si shoqëri e pazhvilluar, e prapambetur, e shembur. Dhe feja nuk të lë të zhvillohesh, se gjen simbiozë me injorancën e popullsisë. Një intelektual – sipas Frojdit, nuk ka asnjë mbi kokën e tij, as Zotin. Pasi mendimi i pavarur, nuk pranon nënshtrim nga askush.

Feja u krijua nga skllevërit hebrej – sqaron Hegeli, në përpjekjen e tyre për të fituar lirinë. Dhe në fakt ata ngaqë lirinë në tokë nuk mund ta fitonin, dhe e shpresuan atë në qiell. Ata as e fituan lirinë, por fituan një pronar të dytë: Zotin si pronar. Dhe secili e di, se feja u bë pronar i dytë pas shtetit në shoqëri. Kjo sqarohet edhe me thënien që i atribuohet Jezu Krishtit: “Jepi Çezarit (shtetit) atë që është e Çezarit, dhe Zotit, atë që është e Zotit.” Pra, Zoti si pronar.

Hebrejtë – bijtë e Solomonit, e zgjidhën këtë punë duke e ndarë në atë kohë shoqërinë në 13 pjesë/fise – sqaron Hobbes te Leviatan. Fisin e Levit e lanë pa pjesë, 12 fiseve të tjera iu dhanë pjesë, dhe ato i detyruan që të jepnin 1/10-n e pasurisë për fisin e Levit. Kështu që fisi i Levit – ai që merrte të ardhurat nga feja, mori 120% të fitimit…

Tani kjo mënyrë ndarjeje i intereson atij që përfiton prej fesë, prandaj feja mori rol, dhe vazhdon ende edhe sot të ketë rol mbi shoqëri. Por me rritjen e dijes dhe vetëdijes, dhe lirive të individit, feja ka ardhur duke humbur terren.

Në njërën anë toleranca fetare, e në anën tjetër zhvillimi i shoqërisë. Si mund ta gjejmë balancën në këtë rast, ku dëmi të jetë minimal? A tolerojmë ne shqiptarët duke iu përkulur fesë? Apo duke i treguar asaj vendin që meriton? Zhvillimi i ulët i shoqërisë shqiptare tregon se ne tolerojmë, duke e lënë fenë të bëjë si të dojë, duke na dominuar përditë, psh. me eZanin e naltë! eZani i naltë me atë frekuencë zëri të lartë, i thyen rëndë të drejtat dhe liritë e njeriut në Shqipëri, duke u bërë një tingull shqetësues dhe i dëmshëm për shoqërinë. Kjo e paraqet shoqërinë tonë si të shtypur e të shembur!

Sipas studiuesve, kemi relativizëm global dhe relativizëm epistemiologjik. Unë hyj te kjo e dyta, ku gjërat shihen me relativizëm, duke iu referuar konstruktivitetit të fakteve shkencore. Ndërsa relativizmi gloal thotë se nuk eksiston ndonjë e vërtetë absolute, se Zoti për ta, iluzioni pra, është absolut, prandaj ai relativizon gjithçka, sepse konstruktivitetin e fakteve e ka ndryshe, jo duke u bazuar mbi faktet reale, dhe nuk mund të mos jenë inkoherent.

Për ta ilustruar këtë, mund të japim një shembull: sistemi i Ptolemeut, që u përdor nga feja dhe sistemi i Kopernikut, që u sulmua në fillim nga feja. Sistemi i Ptolemeut e bënte tokën në qendër të universit, por në fakt konstruktiviteti i fakteve shkencore nxorri në dritë, se dielli është në qendër të sistemit tonë diellor, e më pas mësuam më shumë. Tani kujt t’i besojmë? A po del se me rritjen e dijes dhe vetëdijes, padituritë ndriçohen dhe njeriu humbet edhe besimin te feja?! Se feja është një iluzion, nuk është e vërtetë!