Presidenti turk Rexhep Tajip Erdogan (66) ka një problem masiv parash
PARALAJMRIMI I AMBASADORIT TË SHBA-së
DPA, 28/09/2020 – Bild.de – Përkthyer nga Arben Çokaj
Tani kriza ekonomike në Turqi po ndikon gjithashtu në shëndetin e popullsisë. Ambasadori amerikan paralajmëron ndalimin e dërgesave të ilaçeve!
Presidenti Rexhep Tajip Erdogan (66) ka një problem masiv me paratë. Lira turke po humbet vlerën gjithnjë e më shumë. Tani spitalet shtetërore nuk mund të paguajnë më faturat e tyre.
Ambasadori i SHBA në Ankara, David M. Satterfield, tha sipas “BBC Turkish” në një konferencë të tregtisë në internet: Nëse Turqia nuk paguan borxhet e saj, kompanitë farmaceutike nuk do t’i shesin më ilaçe Turqisë.
Satterfield gjithashtu tha se borxhi i spitaleve publike turke ndaj kompanive të huaja farmaceutike u rrit nga 230 milion dollarë në 2.3 miliardë dollarë brenda një viti. Pra, një rritje dhjetëfish në borxhe.
Kjo është arsyeja pse, sipas Satterfield, edhe Sekretari i Tregtisë i SHBA, Wilbur Ross, u takua me Erdogan dhe Sekretarin e Thesarit, Berat Albayrak. Të dy kishin premtuar ta zgjidhnin problemin dhe të paguanin një pjesë të kërkesave.
Historiku: Vëllimi vjetor i tregtisë midis Shteteve të Bashkuara dhe Turqisë është 21 miliardë dollarë. Të dy vendet synojnë të rrisin vëllimin e tyre tregtar në 100 miliard dollarë, por niveli aktual është shumë mbrapa.
Lira turke vazhdon të bjerë
Humbja e vlerës së lirës ndaj dollarit ka shkaktuar probleme në bankën qendrore turke në skenë pasi lira turke ka humbur më shumë se 11 përqind të vlerës së saj ndaj dollarit që nga qershori. Në mënyrë që të ngadalësojë zhytjen e lirës dhe të kufizojë inflacionin në rritje, banka qendrore ka rritur normën bazë të interesit krejtësisht të habitshme, nga 8.25 në 10.25 përqind.
Është rritja e parë e normës në rreth dy vjet. Presidenti Rexhep Tajip Erdogan e kishte bërë të qartë disa herë se ai nuk ishte i interesuar për normat kryesore të interesit. Ai shpreson se kredia e lirë do të ushqejë rritjen ekonomike. Një dollar aktualisht është në 7.7 Lira Turke.
