Në vend të lajmit
Presidenti Bush kur e martoi vajzën e tij pati ftuar 40 familjarë, miq dhe bashkëpunëtorë në Teksas të SHBA-së!
Ndërsa në Kosovë, dasmat janë astronomike me faturën e shpenzimeve, madje në sallat e hoteleve deri 500 dasmorë e më shumë dhe, me këngëtarët e konttratës së shtrenjtë deri në 8.000 euro(!).
Çfarë po ndodh kështu…? Ku na mbeti tradita dhe ritet e dasmës shqiptare…? Pse këto dalldisje dhe pse këto shpenzime marremendëse që nuk i duhen Kosovës…?
Tashti këngëtarët (shqiptarë) po protestojnë në sheshin e kryeqytetit në Prishtinë për organizimin e dasmave dhe, natyrisht fare e qartë (vetëm) për xhepin e tyre (sic!).
Fasin dhe flasin për “Estradën” po për cilën “Estradë” e kanë fjalëm kur secili prej tyre është i vetëm në “biznesin elektronikë” të këngës shqiptare e mbeshtjellë nën dalldisjen elektornike dhe të zhurmës, që, dorën në zemër nuk ka as vokal e as pentagram të shijes artistike të muzikës perlë të shekujve shqiptar…!
Pse kaq shumë jemi bërë “argat” të shembjes së vlerave tona artistike të këngës shqiptare? Pse kaq shumë “biznes” nëpër valët elektronike të kohës kush i pari dhe kush më i zëshmi në bulevardet e kryeqytetit, ndonëse sipas tyre, krejt kjo është “demokraci”, që të përshtatët shijës së atyre që po i mbushin xhepat me euro të popullit tonë nën hijen e varfërisë dhe përmes dalldijes, që dikur në odën e Drenicës e pata dëgjuar nga goja e popullit “Mos bani dasëm si të shkive”(sic!).
Kaq pata për sot: Në vend të lajmit nga Amerika e largët!
Çikago, qershor të motit 2020
Skënder Karaçica
Executive Director
Albanian-American Association
of Intellectuals Businessmen and Activists
Phone: +1 (708) 983-5394 | Email: [email protected]
