Logu i Bjeshkëve 2016

Arben Çokaj, 06.08.2016

Një organizim mjaft interesant i Bashkisë “Malësi e Madhe”, me kryetar Tonin Marinaj, për promovimin e vlerave kulturore dhe të trashëgimisë kulturore e historike si dhe të bukurisë së alpeve dhe vajzave malësore me xhubleta, në trevën e Malësisë.

Ky aktivitet organizohet për 17 vite me radhë dhe tani që Bashkia është bërë më e madhe dhe rruga ishte shtruar në gjatësinë më të madhe të saj, deri gati në Qafën e Predelecit, ku zhvillohet edhe Logu i Bjeshkëve, pati edhe një numër më të madh pjedsëmarrësish në këtëaktivitet, se në vitet e tjera.

Përveç deputetit Paulin Sterkaj i Malësisë së Madhe, mori pjesë edhe deputeti kaubojs, Eduard Ndocaj, si dhe Ministrja e Kulturës, Mirela Kumbaro, ambasadori austriak, politikani dhe aktivisti Arben Malaj, etj. Kumbaro mbeti pa fjalë, nga bukuria e natyrës, organizimi dhe bukuria e vajzave malësore me xhubleta, të cilat iu dukën si zanat e Malësisë. Ajo e pa dhe e kuptoj, se mbështetja që i kishte dhënë këtij aktiviteti, ishte plotësisht e justifikuar, pasi nuk e kishte pritur se po ndeshet me një bukuri të tillë të natyrës, traditave dhe njerëzve…

Logu i Bjeshkëve, 2016 – Olimpia Smajlaj fitoi çmimin e parë

Logu i Bjeshkëve, 2016 – pjesëmarrësit e shumtë

Logu i Bjeshkëve, 2016 – Vulaj me numrin 7. ishte ndër më të bukurat,
por fatkeqësisht nuk u vlerësua me çmim

Logu i Bjeshkëve, 2016 – vajza me numrin 11 mori çmimin e dytë

Logu i Bjeshkëve, 2016 – vajza nga Selca me numrin 2 mori çmimin e tretë

Logu i Bjeshkëve, 2016 – ministrja e kulturës Kumbaro, po argëtohet në drekën,
që kryetari i Bashkisë, Tonin Marinaj, shtroi pas aktivitetit

Logu i Bjeshkëve, 2016 – pjesëmarrësit e shumtë

Logu i Bjeshkëve, 2016 – skena e përgatitur në mes të alpeve

Logu i Bjeshkëve, 2016 – grupi i vallëtarëve të rinj,
të qeshur e mjaft të talentuar nga Kelmendi

Logu i Bjeshkëve, 2016 – panoramex i gjithë pjesëmarrësve

Logu i Bjeshkëve, 2016 – Edhe pse Dashi i ka vënë gishtin pak kameras,
ka dalë një foto e bukur e pjesëmarrësve, ku jam edhe unë aty duke qeshur, e
Faik Zenelaj nga pas i entuziazmuar, se edhe ai po merrte pjesë për herë të parë!

Logu i Bjeshkëve, 2016 – tollumbacet e lëshuara nga kryetari i Bashkisë,
shënuan fillimin e aktivitetit

Logu i Bjeshkëve, 2016 – Valer Kolnikaj me Olimpia Smajlaj,
fituesen e vendit të parë, në drekën e shtruar nga kryetari i Bashkisë

Logu i Bjeshkëve, 2016 – vajzat konkurruese me xhubleta duke vallëzuar
para jurisë dhe pjesëmarrësve, në sfond duket maja e Trojanit!

Duhet theksuar, se pati një numër të konsiderueshëm këngëtarësh e artistësh, si dhe dy grupe poilifonike të ardhura nga Vlora, që performuan në këtë aktivitet, i cili zgjati rreth 3-4 orë!

Zëri i Amerikës pasqyron aktivitetin:
https://www.facebook.com/zeriamerikes/videos/10154318362339536/