Zymer Mehani
(Përmbledhe poetike nga grup autorësh. E përgatiti për botim poeti Hajrush Redenica)
Për figura dhe ngjarje të rëndësishme të kombit tonë është shkruar dhe do të shkruhet gjithmonë. Do të shkruajnë historianë, kronikanë, reporterë, por edhe shkrimtarët dhe poetët.
Një figurë poliedrike që me veprat e veta e vulosi historinë e Kosovës dhe të mbarë kombit shqiptar është edhe i pavdekshmi Mulla Idriz Gjilani, fetar e atdhetar i shquar, nga Velekinca e Gjilanit.
Për këtë figurë kolosale të vlerave njerëzore, fetare, intelektuale dhe kombëtare, tani me nismën e poetit z Hajrush Redenica, do të botohet një përmbledhje shkrimesh, kryesisht poezish, dedikuar këtij heroi nga poetët e tërë gjeografisë sonë kombëtare, por edhe nga poetët e diasporës, si nga Danimarka, Greqia, Anglia etj.
Librit i prijnë disa shkrime publicistike për figurën e atdhetarit Mulla Idriz Gjilanit të autorëve Hajrush Redenica, Fitim Rifati, Endrit Rahimi dhe Fadil H. Curri. Pastaj janë të paraqitura krijimet poetike të autorëve përfaqësues, të cilat, në faqet e kësaj përmbledhjeje do të jenë origjinale, ashtu siç i kanë shkruar vetë autorët, përveçse do të jenë të lekturuara. Autorët do të radhiten sipas rendit alfabetik.
Në këtë përmbledhje poetike, me vargjet e tyre janë të përfaqësuar këta autorë:
Abdullah Blakçori, Podujevë; Adriatik Jaçe Përmet; Albana Vokrri -Kola, Mirditë; Aziz Bytyçi, Prizren; Bahrije Qerimi- Spanca Prishtinë; Bajram Kallaba, Dardanë; Bukurie Binjaku, Katerinë e Greqisë; Dan Kosumi, Kamenicë; Daut Maliqi, Dardanë; Dedë Deda, Skrapar (me banim në Londër); Elhame Gjyrevci, Danimarkë; Fatmir Çitaku, Podujevë; Fetah Maliqi, fsh. Busavat- Dardanë (Kamenicë); Gani Qarri, Cyrih; Hajrush Redenica, Prishtinë; Hamit Majkovci, Podujevë; Izet Shala, Malishevë; Lulzim Hajdari, Kukës; Lumturije Sylejman Drenica, Athinë e Greqisë; Mala Jazhincë Tetova; Malsor Grajqevci, Gjilan; Minevere Muja- Maka, Dardanë; Mirjeta Hasaj, Divjakë; Mulla Xhemush Bikqku; Nehat Jahiu, Likovë; Nexhat Rexha, Dardanë; Nijazi Kastrati Dardanë; Pajtim Xhelo, Vlorë; Qazim Berisha, Prishtinë; Rexhep Abazi, Medvegjë; Rexhep Halimi, Podujevë; Rudi Berisha, Prishtinë; Rrahim M. Sadiku, Drenas; Sami Arifi, Viti; Sokol Hoda, Kukës; Shaban Emini, Dardanë; Shaip Bllaca, Gjilan; Shkurte Povataj, Deçan; Trandafile Molla, Durrës; Violeta Hoxhaj- Hysenaj, Vlorë; Ymrije Beqiri, Vushtri dhe Zymer Mehani, Podujevë.
Në emrin tonë dhe të nismëtarit të kësaj përmbledhjeje poetike, z. Hajrush Redenica i falënderojmë të gjithë autorët që u përgjegjën pozitivisht në nismën për librin, të cilët me krijimet e tyre e mundësuan dhe e begatuan këtë përmbledhje poezish përkushtuese për heroin tonë kombëtar, Mulla Idriz Gjilani.
Respekt prore për miket dhe miqtë poetë!
Lavdi dëshmorit, Mulla Idriz Gjilani!
Zymer Mehani, më 29 prill 2020, Podujevë
