Shkruan: Lekë Mrijaj
Kisha “Shën Katarina”, në Pejë, së fundi herë është ndërtuar në vitin 1927/1928, nën monitirimin e françeskanit shqiptar e martirit shqiptar dhe i Kishës Apostolike, At’ Lorenc Mazreku (i cili u vra rrugës se Deçanit- në dalje të Pejës, nga çelulat komuniste mesjetare jugosllave), të cilën Kishë e kishte ngrit mbi themelët e Bazilikës së saj të vjetër katolike të shek. XVII.
Andaj sot, është mbajt meshë solemne në kuadër të ditës së kësaj shënjtreshe-Shën Katarinës, që është një shenjtëreshë e madhe egjiptiane nga Aleksandria, e cila ishte shumë e kamur dhe njohëse shumë e mirë e teologjisë dhe filozofisë e cila u martirizua me prerje koke, për krishterimin në vitin 307 apo në fillim të shekullit IV. Ajo u martizua nën arsyetimin se nuk pranoj t’ju flijoj zotërave të rrejshëm paganist gjatë sundimit të Maksimin Daia, e që trupi i saj nga athere e sot nderohët në Manastirin e Malit Sinai. Me konkret e themi se është pajtorja-mrekullibërsja e rinisë europiane, nxënënsve, studentëve, posaqe e vajzave.
Të pranishëm në këtë meshë të madhe shënjte, pos klerikëve të Kishës katolike e besimtarëve të shumtë të tjerë pjesmarrës, ishin edhe personalitete të shumta të jetës publike- politike e kulturore. Njëkohësisht mori pjesë edhe asistenti i KFOR-it Slloven, etj.
Meshën e sotme solemne shënjte e kryesoi, meshtari Salezian, don Tomë Mihaj, zv/drejtor i shkollës së mesme “Don Bosko” Prishtinë, nën percjelljen e don Lenc Sopit, famullitar i Kishës së Pejës, e kapelanit Ushtarak të Austrisë, si dhe meshtarëve të tjerë Dioçezan Prizren-Prishtinë. Ishte edhe kori i Kishës, që për mrekulli e pershpirtërisht bëri përcjelljën e ceremonisë eukaristike, gjatë gjithë kohës sa zgjati mesha kushtuar shënjtereshës, Shën Katarinës së Aleksandrisë.
Paraprakisht para perfundimit të meshes, ishte don Lush Sopi, famullitar në Kishën e Biztazhinit, i cili percjellë nga meshtarët dhe besimtarët, është paraqit me një Lutje Lavd e Nder, Zojës së Bekuar, për shëndet dhe mbarësi gjithëperfshirëse!
Ndërsa në fund ishte don Lenci, famullitar i Kishës, i cili i falenderoj të gjithë meshtarët dhe të pranishmit pjesmarrës në eukaristin e sotme shënjte, të cilët kishin shtegëtuar për të marr pjesë akt solemn nga dekanatët e Dioçezës Prizren-Prishtinë.
Gëzuar besimtarëve të famullisë së Pejës e famullitarit të saj, don Lenc Sopi, e meshtarve të tjerë, don Franës e don Marjanit, të cilët me devotshmëri sherbejnë në këtë Kishë Shënjte.
Zoti ju bekoftë!
25 nën. 2019
