Dërgon për botim: Florim Zeqa
Në një ambient të ngrohtë, në lokalet e shkollës fillore “Azem Bejta” në Grabanicë u mbajt tubimi madhështor elektoral në mbështetje të kandidatëve për deputet në listën zgjedhore të LDK-së.
Tubimin elektoral në Grabanicë e hapi kryetari i nëndegës, Ismet Zeqa, i cili në fjalën hyrëse i përshendeti të gjithë të pjesëmarrësit në këtë tubim, filluar nga kryetari i Degës së LDK-së, z. Fadil Gashi, mysafirin special të kësaj mbrëmje, sekretarin e Degës së LDK-së në Zvicër, z. Ismet Krasniqi, kandidatët për deputet nga radhët e LDK-së, Mirjeta Kalludra dhe Isuf Berisha, kandidatin për deputet nga Dega e PSHDK-së, Ukë Berisha si dhe kryetarin e nëndegës së Kpuzit, z. Naim Berisha, njëherësh edhe anëtarë i kryesisë së degës së LDK-së në Klinë.
Të pranishëm në këtë tubim elektoral përveq kryesisë së degës së LDK-së, aktivistëve dhe veprimtarëve të shumtë, ishin anëtarësia e dy nëndegëve të LDK-së fshatrave Grabanicë, Bokshiq, Dollovë, Kpuz dhe Qeskovë.
Fillimisht kryetari Ismet Zeqa për një fjalë rasti e ftoi kryetarin e degës, i cili ndër të tjera theksoi: “Ju duhet të mbështetni kandidatët tanë që i kemi para jush dhe t’na i votoni por mos harroni edhe Vjosa Osmanin. Unë po besoj që me datën 7 tetor do të festojmë bashkë fitoren e madhe”.
Më pas kryetari Gashi prezantoi kandidatët për deputetë nga lista e LDK-së, duke thënë më tutje: ” Besoni tek kandidatja për Kryeministre, Vjosa Osmani besoni tek lista e kandidatëve për deputetë të cilët jo rastësisht janë këta të përzgjedhur”.
Pas kryetarit të degës, për një fjalë rasti u ftua mysafiri special i këtij tubimi elektoral, sekretari i Degës së LDK-së në Zvicër, z. Ismet Krasniqi, i cili e përshëndeti tubimin duke ju uruar suksese në zgjedhje kandidatëve për deputet, fitore të madhe për LDK-në. Ndër të tjera, z. Ismet Krasniqi shtroj nevojën e përfshirjës më të madhë të mërgatës në strukturat e LDK-së dhe proceset e vendimarrjes në Kosovë. Ky propozim i mysafirit special u mirëprit me duartrokitje të gjata nga të pranishmit në këtë tubim elektoral.
Kandidatët për deputet, Ukë Berisha, Mirjeta Kalludra dhe Isuf Berisha kanë kërkuar nga të pranishmit besim të plotë ndaj tyre, angazhim maksimal dhe mobilizim të komisionerëve gjatë procesit të votimit. Pas datës 6 tetor këta kandidatë do të jenë zëri përques i qytetarëve tanë për kërkesa dhe ankesa në Parlamentin e Republikës së Kosovës.
Kandidatja për deputete nga Dega e LDK-së në Klinë, Mirjeta Kalludra në fjalën e saj para të pranishmëve tha se “ E kam më të lehtë me kërku mbështetje nga ju sepse po e shoh vullentin tuaj të madh për fitore. Përkrahja për kandidaten për kryeministre është e jashtëzakonshme. Këtë po e dëshmon masa pjesëmarrëse në secilin qytet ku ajo është e pranishme. Prandaj kjo përkrahje nga ana juaj do të thotë fitore për LDK-në dhe Vjosa Osmanin. Me Vjosën do ta kemi qeverisjen më të mirë që ka pasur Kosova ndonjëherë. Andaj po kërkoj nga ju mobilizim të madh dhe mbështetje për LDK-në”.
Më pas fjalën e mori kandidati për deputet nga Dega e PSHDK-së, Ukë Berisha: “Të nderuar kandidat për deputet, drejtues të LDK-së dhe ju të pranishëm. Ne do të punojmë së bashku për të mirën e Kosovës. E kemi nisur këtë rrugëtim para 30 viteve për lirinë dhe pavarësinë e Kosovës. Liderët historik Dr. Ibrahim Rugova dhe Mark Krasniqi kanë arritur ta internacionalizojnë çështjen e Kosovës. LDK dhe PSHDK do ta vazhdojnë atë rrugëtim edhe më tutje, prandaj kërkesa ime është votoni Vjosa Osmanin, votoni kandidatët për deputet të ardhshëm në Kuvendin e Kosovës”.
Edhe kandidati i tjetër për deputet nga radhët e LDK-së, Isuf Berisha ka përshëndetur të pranishmit duke i falënderuar për pjesëmarrje në tubim. Tutje, Berisha ka thënë se me ardhjen e Vjoses në krye të qeverisë, ajo do ta mbrojë interesin e qytetarëve dhe çojë shtetin përpara. Çdo gjë që ajo tani e thotë do të jetë vepër e saj në të ardhmen e Republikës së Kosovës”.
Ja vlenë për të theksuar, se nga ardhja e z. Ismet Zeqa në krye të Nëndegës së LDK-së në Grabanicë, radhët tona janë forcuar si anjëherë më parë. Falë angazhimit të njeriut të sinqertë, aktivistit të palodhshëm dhe modelit unifikues siq është Ismeti, Nëndega e LDK-së në Grabanicë ka arritë ta kthejë namin që kishte dikur në kohën e presidentit historik, atë të bastionit të LDK-së jo vetëm në nivel dege por edhe më gjërë.
Kryetari i nëndegës së Grabanicë afër vetës i ka aktivistët dhe veprimtarët më besnik të LDK-së rugoviane si; Fadil Fazliu, Man Salihu, Shaban Hoti e shumë të tjerë.
Bastioni i LDK-së në këtë lokalitet qëndroi i pathyeshëm edhe në kohët më të vështira të luftës dhe pasluftës në përballje me sfidat e kohës, në saje të përcaktimit të fuqishëm në vijën institucionale të presidentit historik Ibrahim Rugova dhe unitetit të çelikt në radhët e LDK-së.
Nëndegët e LDK-së në Grabanicë dhe Kpuz
Grabanicë, 30.09.2019
