ALI ALIU
Presidenti dhe Kryeministri i Republikës së Çamërisë
Me vendim të Presidentit dhe Kryeministrit të Republikës së Çamërisë, shkëlqesisë së tij, Zotit Ali Aliu, Presidenti i Republikës së Çamërisë dhe Kryeministri, Ali Aliu, shpall “Hero të Republikës së Çamërisë” Zotin, Aristidh Kola ( pas vdekjes )
Aristidh Kola ishte historian, publicist, dhe jurist dhe njëkohësisht kryetar i Lidhjes së Arvanitëve të Greqisë.
Aristidh Kola lindi në Kaskaveli të Thivës në Greqinë Qendrore, zonë e cila banohet kryesisht me shqiptarë. Aristidhi, si edhe mijëra e mijëra bashkëkombës të tij, u edukuan me frymën e dashurisë dhe traditave të të parëve të tyre pellazgo-ilir.
Aristidh Kola studioi për jurisprudencë në Athinë dhe pas mbarimit të universitetit, për shumë kohë iu përkushtua traditave kombëtare të arvanitasve ( shqiptarëve ) në Greqi. Vepra e tij kryesore, “Arvanitasit dhe origjina e grekëve”, bëri një jehonë të gjerë në botën shkencore brenda dhe jashtë Greqisë; Libri i Aristidh Kolës, „Arvanitasit dhe origjina e grekëve“ njohu 9 botime brenda dhjetë vjetëve.
Aristidh Kola botoi revistën “Besa”, si dhe revistën tjetër “Arvanon”. Këto revista pasqyronin jetën dhe traditat e botës shqiptare arvanitase. Aristidhi bashkëpunoi me të gjitha rrethet e diasporës shqiptare në Botë. Ai mbante lidhje të ngushtë me arbëreshët e Italisë, me shqiptarët e Amerikës, me intelektualë të Kosovës, të Turqisë dhe me patriotë nga Shqipërisa. Aristidhi ishte figurë përbashkuese i çështjes kombëtare shqiptare. Ai kishte lidhje të fortë me arbëreshët e Korsikës.
Aristidh Kola u bë i njohur në Greqi e më gjerë për përkrahjen morale që i dha Luftës së Kosovës për shkëputje nga Serbia duke u shfaqur në disa emisione televizive. Kjo shkaktoi reagimin e disa grupeve proserbe, me të cilat u ndesh në rrugë gjyqësore.
I qeshur dhe i dashur, Aristidhi ishte mik i të gjithë emigrantëve shqiptarë në Greqi. Në zyrat e shoqatës arvanitase “Marko Boçari”, organizoheshin aktivitete politiko-kulturore për Shqipërinë, si dhe për personalitete të rëndësishme shqiptarësh të Greqisë.
Aristidh Kola ka bërë një punë këmbëngulëse për afirmimin e identitetit arvanitas në Greqi. Aristidh Kola është i pari shqtipar që e pati lexuar librin e babë Homerit, „Iliadën“ në origjinal. Ai me atë rast pat deklaruar; „Iliada e Homerit qenka e shkruar e tëra në shqip“. Për këtë deklaratë të Aristidhit se Homeri shkruaka shqip, shërbimi intelegjent grek nuk e fali, e shpuri në varr.
Vdekja relativisht e re e shkrimtarit, historianit dhe atdhetarit Aristidh Kola ishte një humbje e madhe për të gjithë shqiptarët.
Aristidhi nisi hartimin e fjalorit arvanitas, vepër të cilën nuk arriti ta përfundonte. Aristidhi na la një sërë veprash të rëndësishme. Aristidh Kola vdiq në vitin 2000 pas një sëmundjeje misterioze dhe dyshuese. Për gjithë aktivitetin e tij patriotik, historik, publicistik dhe juridik në shërbim të identitetit të tij kombëtar, Presidenti dhe Kryeministri i Republikës së Çamërisë, Shkëlqesia e Tij Zoti Ali Aliu, dekreton Aristidh Kolën, „Hero të Republikës së Çamërisë“. Shpallja hyn në fuqi me datë 29. 08. 2019.
Dortmund, 29.08.2019
