INDEKSONLINE NJOFTON NGA KOSOVA SE DIKUSH PO E VRET PËR TË DYTËN HERË AT SHTJFEN GJEÇOVIN DHE GJERGJ KASTRIOTIN SKENDERBEUN

– MBETET PËR T’U PARË, NËSE PËR KËTO AKTE ANTI-KOMBËTARE, FAJTORË JANË “HADUTËT” E RENDOMTË, A PO DIKUSH TJETËR?!

Nga INDEKSONLINE

“Bustet para shkollave në Kosovë po mbesin pa koka, hajdutët po i vjedhin ato!”

Busti i At Shtjefën Gjeçovit që ishtë i vendosur në shkollën fillore në Zllakuqan të Klinës është lënë pa kokë.

Persona të panjohur e kanë vjedhur atë, teksa dyshohet se ky akt ka ndodhur gjatë vikendit, pasi që në shkollë nuk ka pasur personel e as roje, përcjellë Indeksonline.

Derisa policia është duke hetuar rastin, ky veprim po konsiderohet si i shëmtuar dhe i ulët.

Këto janë disa nga komentet e mësimdhënësve të Komunës së Klinës:
“Cenimi i bustit te A’t Shtjefen Gjeçovit në oborrin e shkollës së Zllakuqanit, është një akt vandal, I trishtueshëm dhe ogurzi. Prandaj institucionet komunale dhe ato shtetërore duhet të vihen në veprim menjëhere në zbulimin e rastit, që busti të kthehet në vendin e vet dhe aktoret e këtij veprimi të paligjshëm dhe të shëmtuar të marrin dënimin e merituar”.

“Edhe këtë veprim është në gjendje t’a bëjë dora dhe mendja e shëmtuar e ndonjë injoranti të krisur mendërisht, dhe skajshmërisht e dënueshme, kushdo qoftë ai apo ata.”

Nuk është hera e parë që koka e një busti në një instistucion shkollor është vjedhur. Ditë më parë, edhe në fshatin Treboviq, dikush mori kokën e bustit të Gjergj Kastriotit Skenderbeut. /Indeksonline/

Dërgoi për publikim, Frank Shkreli, gazetar