Irena Toçi, 4 korrik 2019
Të nderuar Miq të Librit dhe të Botimeve Toena,
me kënaqësi ju njoftoj që sapo qarkulloi në Itali nga Botimet Rubbettini romani “Loja, shembja e qiellit” i shkrimtarit Bashkim Shehu, përkthyer në italisht nga Paolo Rago, me titullin “La rivincita” (Shpagimi).
“Loja, shembja e qiellit” ishte romani që i dha shkrimtarit Bashkim Shehu çmimin letrar “Balkanika“, duke e çmuar si shkrimtari më i mirë i Ballkanit në vitin 2015.
“Loja, shembja e qiellit” meritoi çmimin special të jurisë të Prix Méditerrané Etranger, më 2018, pas botimit të tij në frëngjisht.
Më 27 qershor u bë edhe prezantimi i parë i këtij romani në Fano, në Itali, në prani të autorit Bashkim Shehu dhe me mbështetjen e prof. Matteo Mandala, në kuadër të Festivalit Ndërkombëtar “Passaggi”.
Romani “Loja, shembja e qiellit” u botua në shqip nga Botimet Toena në vitin 2013 dhe po gjatë këtij viti u vlerësua me çmimet: “At Zef Pllumi” dhe “Autori më i mirë i vitit“.
Gjeni bashkëngjitur:
– kopertinën e romanit në italisht
– kopertinën e romanit në shqip
– foto ilustruese nga prezantimi në Itali
Për më shumë rreth prezantimit të romanit në Itali, mund të lexoni në https://www.passaggifestival.it/bashkim-shehu-albania-rivincita-matteo-mandala/
Ju falënderoj që na ndiqni.
Irena Toçi
Drejtore e përgjithshme
Botimet Toena
Rruga “M. Gjollesha”
K.P. 1420
Tirane – Albania
Tel. ++355 422 40 116
Cel. ++355 68 20 677 11
[email protected]
[email protected]
[email protected]
www.toena.com.al
www.facebook.com/botimet.toena
https://twitter.com/TOENABOTIME1
www.instagram.com/botimet_toena
