Zymer Mehani
Me rastin e ditëlindjes së Bilbilit të Gjuhës Sonë, Naim Frashërit
“Bagëti e bujqësi”
Kur i lexova,
Maleve të Shqipërisë
Fluturim u rashë.
Më dehu të tërin
Aromë e “Luleve të verës”
Sa trim është shqiptari
Te “Skënderbeu” pashë.
“Fjalët e qiririt”
Shumë herë i lexova,
Ëmbëlsinë e gjuhës sate
E shijova,
Porsi zemra jote
U shkriva, u treta,
Dashurinë e çiltër
Derisa e gjeta.
Ti je Nderi i Kombit,
I kombit me fat,
Me vëllezërit e tu,
Gjurmë n’histori latë.
