Autostrada e Kosovës të vazhdojë për Malësinë e Gollakut dhe Kosovën Lindore e jo për Merdare te serbët e Shumadisë?

Shkruan Asllan Dibrani

Ky projekt është përcaktuar nga “qeveritarët e famshëm kosovarë” dhe kanë ndarë shumë fonde për ta realizuar. Ka pas edhe afera korruptove, keqpërdorime dhe ma në fund stagnim!? Autostrada e Kosovës Morinë-Merdare, plan sipas projekteve të ekzekutivit kosovar i gabuar në destinacion i pa kuptimtë dhe i pa vlerë!

Lind pyetja pse është i gabuar ?

Sepse ky aks rrugor nuk ka ndonjë rol dhe dobi për shqiptarët përtej kufirit nga se pika kufitare e Mendarës drejtimi i Prokuples në Serbi, edhe se ishin vendbanime shqiptare, ma nuk ka, nga që u përzunë në viti 1878 e këndej nga terrori dhe gjenocidi serb!

U ndoqën nga okupatori serb dhe nuk la ma shqiptarë atje, pos toponimeve shqiptare që kanë mbetur gjurmë të historisë. Ky popull ishte atje autokton sipas toponimeve që sot një numër i madh qytetarësh të Kosovës i mbajnë këta mbiemra si kujtim nga kanë prejardhjen si: Kastrati, Bllaca, Vllasa, Grabanica, Spanca, Konjusha, Gajtani, Arbana, Breznica, Muhaxheri, Maqedanci, Kapiti, Toplica, Saraqi, Ratkoceri etj.

Këto toponime sot shqiptarët e Kosovës i kanë si mbiemra të trashëguar në bazë të vendbanimeve shqiptare që t’i mbajnë në kujtesë. Përkundër reprezaljeve dhe terrorit që e ndoqi Serbia kundër popullit tonë, këto toponime u ruajtën deri me sot.

Pra, shikuar në retrospektivën historike, politike dhe diplomatike, asnjë organ qoftë nga Shqipëria, Kosova apo ndonjë institucioni shqiptar nuk e ngrit ndonjë reagim ndërkombëtar (kallëzim penal ndërkombëtar kundër Serbisë, për atë gjenocid në ato territore, po edhe dhe për pjesët tjera, të Kosovës Lindore(Preshevë, Bujanoc, Medvegjë. Madje as nuk u kërkuar dëmshpërblim për terrorin dhe provën gjenocidiale që përjetoj Kosova gjatë viteve 1998-1999. Serbia ishte shteti terrorist që zbatoj planet e Akademisë serbe me kriminelin dhe ekzekutorin kryekasapin e Evropës Sllobodan Millosheviqin!? Në Kosovën Lindore po ushtrohet edhe sot një terror i paparë, ku as shkollat dhe kultura shqiptare nuk lejohen, madje as simbolet e veta kombëtare të përdoren!

Mos falni toka në dëmin e Kosovës siç po ndodh me Melin e Zi zotërinj qeveritarë!

Tu themi mjaft sharlatanëve politik shqiptarë, mos luani me gjëra të shenjta si trashëgimtar babë-baba-dem të këtyre trojeve tona!!!Këto janë vlera nga paraardhësit tanë,pra kujdes. Mos falni toka në dëmin e Kosovës siç po ndodh me Melin e Zi (tokën e shenjtë arbërore të stërgjyshërve që na mbeti amanet ta ruajmë si sytë e ballit), prandaj larg duart nga pisllëqet e juaja të interesave personale klanore, grupore dhe rajonale! Kosova Lindore është e Kosovës dhe e shqiptarëve. Ju me pasivitetin tuaj politik dhe pa ndonjë vizion kombëtar politik jeni në përshkallëzimin e të keqes edhe në këto krahina shqiptare? Ju e keni degraduar këtë vend të Malësisë së Gollakutqë dikur ishte magje e Prishtinës, por edhe sot është e banuar me mbi 70 % me Gollakas dhe pjesë tjera qe ndërlidhen historikisht me territoret shqiptare te Medvegjës deri të Leskovci.

– Këtu po e ndërlidhi edhe me çështjen e Autostradës së Kombit që shihet se për një arsye apo një tjetër, jeni duke e gabuar dhe stagnuar këtë projekt. Ju zotërinj qeveritarë nuk duhet destinacionin e saj ta vazhdoni në drejtim të Merdares, por duhet te lidhet për Malësinë e Gollakut, Keqekollë, Dabishec, Kapitit, Medvegjes dhe zonat e Kosovës Lindore që shtrihen në Gollak-Karadak dhe pjesët tjera të banuara me shqiptarë më në fund të lidhet me aksin rrugor Beograd-Shkup.

Kjo vijë nuk i lenë të anashkaluar vëllezërit tanë në “Kosovën lindore” që të lidhen me rrugën e Kombit dhe me trungun e Kombit. Shumë domethënëse do te ishte dhe me rëndësi te veçanet, nëse kjo autostrade do të kishte kaluar nëpër Gollak, dhe Kosovën Lindore.

Kështu qe me kalimin e autostradës në këtë drejtim, do ti lidhte trojet shqiptare ne veçanti do t’ju ndihmonte banorëve te Kosovës lindore që të rikthehen në tokat e tyre stërgjyshore konfrom ligjeve ndërkombëtare qe i kanë aprovuar për rikthimin e serbëve në Kosovë. Asgjë mos të kërkohet ma shumë se sa aprovimi i të drejtave të shqiptareve atje sikurse serbet që i gëzojnë në Kosovë se sa aprovimi i të drejtave të shqiptareve atje sikurse serbet qe i gëzojnë në Kosovë. Këtyre zonave të Malësisë së Gollakut, do tu ndihmohet jashtëzakonisht ne aspektin e zhvillimit ekonomik, bujqësore, e sidomos të turizmit, për arsye së “Banja e Sjarinës” dhe vargmalet e kësaj anëve më bukuritë e veta përrallore mund të shndërrohen në pika turistike.

Boll ma ishim të bojkotuar nga Mbretëria serbo-sllave, që pikërisht këto ane ishin si mburojë e Kosovës ne rezistencën për mos pushtimin e Kosovës dhe pikërisht për ketë as regjimi ish jugosllav edhe një qindarkë nuk e ka investuar kurrë ne këto anë!? Prandaj mos hezitoni, por duhet të jeni në krahin e interesave kombëtare dhe strategjike.

Mesazh – thirrje dhe apel për spektrin politik, ekonomik dhe kulturor të Malësisë se Gollakut Lindore, ndikoni në zbatimin e këtij projekti!

Ky artikull le të jetë si mesazh, thirrje dhe apel i të gjitha forcave politike, te organizatave qeveritare dhe jo qeveritare, qytetarëve të komunitetit shqiptarë që jetojnë ne Kosovën Lindore Medvegjë, Preshevë dhe Bujanoc, intelektualëve, krijuesve, biznesmenëve, veprimtarëve, shoqatave, klubeve, organizma dhe veteran të vlerave tona kombëtare të Kosovës, por në veçanti te Malësisë së Gollakut që të kontribuoni për realizimin e këtij projekti sipas përshkrimit.

I ftojmë, njëzëri t’i bashangjitëni thirrjes tonë për këtë qëllim kombëtar dhe strategjik edhe politikajtë Kryeministrin e Kosovës z. Isa Mustafen nga Prapashtica, Alnin Kurtin përfaqësues i Vetëvendosjes Prishtinë nga Ulqini – Gollaku, z. Behgjet Pacollin biznesmen dhe politikan nga Mareci-Gollak, Valon Muratin politikan nga Hajkobilla-Gollak, Akademik Idriz Ajetin nga Tupalla-Kosova Lindore-Gollak, Kaqusha Jasharin politikane nga Tuxheci Gollak, Luan Fazliun biznesmen dhe veprimtar nga Gollaku, Organizatën jo qeveritare që udhëhiqet nga gazetari Bahtir Cakolli në TV- 21 nga Krileva – Gollak, Arif Demollin shkrimtar nga Gllogovica – Gollak, Lema Xhemen deputete në Kuvendin e Medvegjës nga Tupalla-Kosova Lindore-Gollak, Muharrem Salihun biznismen nga Tupalla-Kosova Lindore-Gollak, Demir Krasniqin këngëtar nga Tuxheci – Gollaku, Haki Demollin politikan nga Krileva-Gollak dhe vëllezërit Xhemë Xhemen dhe Ramadan Xhemen në SHBA krye lobist dhe financues në Kongresin amerikan për Pavarësinë e Kosovës, sot kryetar i Këshillin Shqiptaro – Amerikan Xhemë Xhema. Të lartpërmendurit ftohen që të krijojnë një bord apo këshill të organizimit të këtij projekti për ta zbatuar sa më parë në praktikë.

Vështirësitë, synimet lokale dhe projektet Evropiane për Ballkanin perëndimor!

Duke pasuar parasysh se Evropa shpesh ka vepruar ne interesat e Serbisë apo planeve të saja.Edhe sot ndikon negativisht edhe në faktorët tanë politik të Kosovës. Ata kanë pengesa si në zbatimin e donacioneve të ndryshe, apo edhe projekteve të tilla siç është rasti i Autostrade, por edhe i lakmitarëve politik të Kosovës që interesat personale i vene para atyre kombëtare, siç është rasti i Lutfi Hazirit që pretendon ta qoj këtë rrugë nga arat e veta për Gjilan dhe Preshevë e Bujanoc sipas arsyetimeve te tij. Edhe këto bien si teza të pa baza kur kemi parasysh se Presheva dhe Bujanoci, po thuajse janë të lidhura me Autostradën aktuale të Shkup Bujanoc.

Rruga e përcaktuar sipas projektit Morinë-Merdare për Prokuple ju shkon për shtati vetëm serbëve të Shumadisë në Serbi!

Rruga e përcaktuar sipas projektit Morine -Merdare për Prokuple ju shkon për shtati vetëm serbëve të Shumadisë në Serbi. Segmenti për në Malësinë e Gollakut në drejtim të Kosovës lindore i konvenon edhe Kosovës që gjeografikisht ma shpejt del në autostradën për Beograd dhe kostoja do të jetë shumë më e lirë, qe të vazhdohet për në shtetet e Evropës. Ky mund të quhet një projekt i gabuar nëse në destinacion, prandaj ky artikull le të mbetet si mesazh urgjent që parlamenti i Kosovës ta fut në rend të ditës projektplanin e Autostradës së Kombit që të lidhet Permes Malessie se Gollakut Prishtinë-Keqekollë, Prapashticë-Mutivodë, pika aktuale kufitare – Kapit Banjë e Sjarinës, Medvegjë-Zajçevc dhe me zonat tjera shqiptare deri ne autostradën aktuale Beograd-Shkup. Është koha të reagohet në forma politike, kulturore dhe ekonomike qe të shpëtohen ato vende pa u zbrazur të tërat si vende strategjike dhe ekonomike përforcim të Kombit shqiptar.

Autori i shkrimit është Asllan Dibrani ish i burgosur politik, anëtar i Lidhjes së Shkrimtarëve Shqiptarë në Gjermani, Publicist, Piktor dhe përfaqësues i mediave për Lobin Euro-Atlantik Shqiptar me seli në Gjermani.
/[email protected]