Gjon Keka
Perandori dhe Arkiduka i Austrisë Maximilian I., ishte bashkëkohës i Gjergj Kastriotit Skënderbeut, dhe në bazë të dokumenteve historike thuhet se ka patur komunikime më Mbretin e Shqipërisë. Autori që përmend këtë komunikim apo partneritet në mes tij dhe Gjergj Kastriotit Skënderbeut është Aquilinus J. Cäsar, i cili në veprën e tij (Beschreibung der k.k.h.G.,und aller daselbst befindlichen Merkwürdigkeite… […]Aquilinus J.Cäsar,) të vitit 1781 shkruan se si ky Perandor dhe arkiduk i kishte kërkuar një nga Shpatat e Gjergj Kastriotit Skënderbeut, për ta përdorur në një nga betejat e tij.
Për të qenë më realist ndoshta Gjergj Kastrioti dhe Arkiduka Maximilian nuk janë takuar, por sigurisht kanë patur komunikime nëpërmjet ambasadorëve, ose edhe janë takuar por që ne ende nuk e dim këtë, sidoqoftë kjo tregon se ata e njihnin njëri-tjetrin dhe kishin marrëdhënie diplomatike dhe miqësore.
Shpata që thuhet se i kishte dërguar si dhuratë Gjergj Kastrioti Skënderbeu atij ishte në mesin e Shpatave të vjetra të zbukuruara me ar dhe argjend dhe po kjo Shpatë ishte përdorur në një nga betejat e këtij Arkiduke të Austrisë. Dhe se kjo Shpatë e Gjergj Kastriotit gjendej në atë kohë në K.u.K. Landeszeughaus Steiermark.
Shpatën që thuhet se i ka dërguar si dhuratë Arkidukës Maximilian, e kam kërkuar në Landeszeughaus së bashku me një nga drejtuesit shkencor austriak aty për ta parë se cila është ajo Shpatë që shkruan në dokumentin historik në fjalë, por nga biseda që kemi bërë aty shumica e shpatave janë të renditura me numra, por të cilat nuk dihet se kujt i takojn, ndoshta njëra nga ato Shapata që gjenden aty është e Gjergj Kastriotit Skënderbeut, ose Shpata që flitet këtu është njëra nga ato që gjenden në Muzeun e historisë së Artit në Vjenës aty ku është edhe Përkrenarja e Gjergj Kasriotit.
Sidoqoftë mbetet të hulumtohet më shumë në këtë drejtim për të arritë deri të gjetja e kësaj Shpate që thuhet se është dhuratë nga Gjergj Kastrioti për Arkidukën Maximilian I., të Austrisë.
