Lutja zyrtare për të kërkuar Lumturimin
e të Nderueshmit Karlo Akutis
O Atë,
që na ke dhënë dëshminë e zjarrtë,
të të riut Shërbëtorit të Hyjit Karlo Akutis,
i cili Eukaristinë e bëri qendër të jetës së vet
dhe forcë për angazhimin e tij të përditshëm,
që edhe të tjerët Të të donin mbi gjithçka,
bëj që të numërohet sa më shpejt
ndër të Lumturit dhe Shenjtërit e Kishës Sate!
Përforcoje Fenë time,
ushqeje Shpresën time,
fuqizoje Dashurinë time,
në përngjasim të të riut Karlo,
që, duke u rritur në këto virtyte,
tani jeton pranë Teje!
Ma jep hirin për të cilin kam kaq nevojë…!
Besoj në Ty, o Atë,
dhe në Birin Tënd tejet të dashur Jezusin,
në Marinë Virgjër, Nënën tonë tejet të ëmbël,
dhe në ndërhyrjen e Shërbëtorit Tënd Karlo Akutis.
Pater, Ave, Gloria
Imprimatur in Curia Archiepiscopali Mediolanensi
6.X.2014 +Angelo Mascheroni
Përktheu: Nikolin Sh. Lëmezhi
Vëllazëria Jeruzalemi i Ri˗Shkodër
