LSHK – Prishtinë
Ismet TAHIRAJ
Mbledhja qe u mbajt para do kohe pati për efktiv zhvillimin e mbarë kulturor e artistik, mbi gjitha këto ngecin paratë
Pse po injorohet LSHK – pyet shkrimtari Rushit Ramabaja. E për ta diskutuar këtë e çështje dhe problemet tjera, në Institutin Albanologjik të Prishtinës, u mblodh kuvendi i Lidhjes së Shkrimtareve të Kosovës. Si çështje më problematike këta e vlerësuan financimin. Për këtë pakënaqësi këta po e fajësojnë nivelin qendror por edhe atë lokal. E një problem tjetër që ky kuvend e diskutoi ishte edhe çështja e mos pasjes së një godine, ku ata të ushtrojnë veprimtarinë e tyre. Në fakt në objektin ku dikur ata punonin ishte ish Hotel Union, tashmë është privatizuar nga disa biznismen shqiptaro-italian.
Por sipas kryetares së kryesisë Dr. Flora Brovina me marrëveshje shkrimtareve u takon shfrytëzimi për 13 vjet i 200 metrave katrorë të objektit, ku tashmë operon Beneton. E pas shumë diskutimesh me pronarët e kësaj të fundit kanë ardhur në një propozim marrëveshje. Megjithatë shkrimtarët nuk e pranuan këtë ofertë dhe u mor vendim që çështja të dërgohet në Gjykatën Themelore -Departamenti ekonomik, me propozimin e shkrimtarit Flori Bruqi.
Për fund u tha se do të kërkohet takim me ministrinë e kulturës për t’i shpalosur ankesat e tyre, ndërsa shkrimtari Rushit Ramabaja, kërkoi që të kërkohet shkarkimi i ministrit të kulturës Shala, për mos lejim të buxhetit të mjaftueshëm për LSHK.
