GAZETAEXPRESS, 23 Shkurt 2018
NASA ka publikuar një foto të Tokës dhe Hënës të shkrepura rreth 6.2 milionë kilometra larg nga planeti.
Toka është pika e ndritshme në mes të fotos, ndërsa djathtas është Hëna.
Fotoja është bërë nga sateliti Osiris-Rex më 17 Janar. Ajo shërben për të kujtuar sesa e vogël është planeti ynë në thellësitë e hapësirës.
Osiris-Rex u lëshua nga Gjiri Canaveral në vitin 2016.
Sateliti do t’i afrohet një asteroid, që po i afrohet planetit, i njohur si Bennu.
Osiris do të kalojë 505 ditë duke e vëzhguar Bennu dhe më pas do të përpiqet të marrë një mostër nga pluhuri i asteroidit për ta sjellë në Tokë.
