JA SE SI NA KA NDARË FEJA NE SHQIPYTARËVE – DUKE NA DËMTRUAR RËNDË SI KOMB! PRANDAJ FENË MËNJANË, E TË MERREMI ME VLERAT KOMBËTARE DHE ME ZHVILLIMIN E KOMBIT TONË. NDRYSHE RRIMË PËRSËRI TË FUNDIT…
Duke u marrë me politikë, e duke lënë fenë mënjanë, shqiptarët në Maqedoni, muslimanë, ortodoksë etj. mund të bëhen shumicë në atë vend dhe të kapin pushtetin në Maqedoni, kështu si me Zaevin, i cili pohon se është me origjinë shqiptare!
Fahri Xharra – ikvi.at
“Unë nuk di të flas në gjuhën shqipe, pasi gjuhën shqipe nuk e kam gjuhë amë, por gjuhën e stër-stër-stër gjyshërve, por nuk është me rëndësi njeriu si flet, por si ndjehet. Unë ndjehem shqiptar ortodoks.” – përfundon kryeministi Zaev. Pra ?!
Është e vërtetë se Radmila Sheqerinska për nga gjyshja është një shqiptare ortodokse, por çfarë ka këtu të frikshme ? Edhe unë kam prejardhje shqiptare ortodokse, si nga gjyshja ashtu edhe nga gjyshi, që nga Ilirët e Strumicës, që kur pranuan besimin ortodoks. Me kalimin e kohës, sllavët, kryesisht me dhunë na asimiluan dhe imponuan gjuhën maqedonase. Mirëpo e gjitha kjo është histori. Unë fal dhe duhet t’i harrojmë ato gjëra tani dhe duhet do të ndërtojmë një shoqëri dhe jetë për të gjithë.
Duke vazhduar më tej, Zaev shtoi se edhe në Greqi ka shqiptarë ortodoksë.
Zaev me plis në kokë, si Fahri Xharra!
Çka të bëjmë? Maqedonasit ortodoks kanë filluar të kthjellen dhe të shikojnë pak prapa në historitë e tyre familjare, shumë prej tyre e shohin veten që janë të dalë nga një rrënjë tjetër, e jo nga ajo siç ju kanë imponuar ta mbrojnë me vite të tëra, bile edhe me dekada, pra edhe nëse janë ortodoksë, janë shqiptarë.
Dhuna serbe, dhuna osmane e kanë krijuar një “komb “ të quajtur Makedonac, e që në vetvete nga thellësia janë shqiptarë. Por, jo të gjithë makedoncat janë shqiptar.
Regjistrat osmanë, na lënë të kuptojmë që të 17-të fshatrat e Rekës së Epërme ishin të banuara nga shqiptarë të krishterë të ritit lindor, ortodoks. Por gjatë periudhës osmane, dhe sidomos nga fundi i shekullit të 18-të e deri në mes të shekullit të 19-të, gjysma e këtyre shqiptarëve u islamizuan. Pas njohjes së Ekzarkisë Bullgare më 1870 nga Porta e Lartë, shqiptarët ortodoksë që mbetën nën juridiksionin e kësaj ekzarkie, iu nënshtruan një presioni të fortë për tu bulgarizuar.
Ndërkohë që pas krijimit të shtetit shqiptar, kur Reka e Epërme mbeti jashtë territorit të tij, përkatësisht nën Mbretërinë SKS, shqiptarët ortodoksë e gjetën veten përballë presionit për tu serbizuar.
Kurse gjatë Jugosllavisë komuniste të Tito-s, ata gradualisht nisën ta braktisnin Rekën dhe të migronin drejt pjesëve tjera të Maqedonisë, ku shumë prej tyre morën identitet maqedonas. Por pjesa më e madhe e tyre, e ruajti shqipen të paktën si gjuhë në shtëpi.
Sot, pas shpërbërjes së Jugosllavisë, një pjesë e shqiptarëve ortodoksë që ishin maqedonizuar kanë nisur të deklarohen si shqiptarë sërish. (gazetaexpress)
Shqiptarët ortodoksë në Maqedoni
Dhe një ditë ata, shqiptarët ortodoks mund ta thonë të vërtetën e tyre të lashtë e të tashme njëherësh pa frikë ….sepse ata janë rrënjët e lashta të gjakut tonë… iliro-arberor-shqiptar….rrethanat ua kanë diktuar shumë gjëra të rënda… Në fakt në Maqedoni kanë filluar të shfaqen haptazi disa persona në deklarimin e tyre si shqiptar ..dmth nga ata shqiptare ortodoks …edhe kjo punë që po e lobojmë e ka për qellim sensibilizimin dhe kthimin e këtyre shqiptarëve në identitetin tyre kombëtar, atëherë fitorja jonë do t `ishte e menjëhershme ..dhe sllavët do të treteshin si krypa në ujë se puna e tyre disa dhjeta vjeçare iu shkoi kot.
“Por armiku më i madh i këtyre ( Shqiptarëve ortodoksë në Maqedoni) janë vetë Shqiptarët. Sot kur kemi historian, libra, mundësi për të gjurmuar, të shkollohemi e të emancipohemi në çdo fushëveprimi, ne ende po merremi me fajtorë .Neve kemi fakte. Neve na mbetet që të zgjojmë vetëdijen e secilit. Kur do të vjen ajo ditë që Shqiptarët Ortodoksë në Serbi, Mal të Zi, Maqedoni e më së pari ata në Kosovë të pranojnë se kush janë.
Përderisa shqiptarët ortodoksë iu kthehen rrënjëve të veta të vërteta, shqiptarët e besimit islam (jo të gjithë, jo ) po kërkojnë rrënjë turke..
20.02.18, Gjakovë
